January 06, 2024
January 06, 2024
ദോഹ: ഖത്തര്‍ വേദിയാകുന്ന 18-മത് എഎഫ്‌സി ഏഷ്യന്‍ കപ്പിന്റെ മീഡിയ സെന്റര്‍ മുഷെരിബില്‍ പ്രവര്‍ത്തനമാരംഭിച്ചു. മാധ്യമപ്രവര്‍ത്തകര്‍ക്കും ഫോട്ടോഗ്രഫര്‍മാര്‍ക്കും ടൂര്‍ണമെന്റ് കവര്‍ ചെയ്യുന്നതിനുള്ള സഹായങ്ങള്‍ മീഡിയ സെന്ററില്‍ ലഭ്യമാക്കും. ജനുവരി 12 മുതല്‍ നടക്കുന്ന ടൂര്‍ണമെന്റിനുള്ള പെര്‍മിറ്റ് അനുവദിക്കുക, ടീമുകളുടെ പ്രസ് മീറ്റ് തുടങ്ങിയവയ്ക്കുള്ള അനുമതിയും മീഡിയ സെന്ററില്‍ ലഭ്യമാകും.
എല്ലാ ദിവസവും രാവിലെ 10 മണി മുതൽ രാത്രി 11 മണി വരെ സെന്റർ തുറന്നിരിക്കുമെന്ന് പ്രാദേശിക സംഘാടക സമിതി അറിയിച്ചു. മത്സരങ്ങൾക്ക് മുമ്പ് ടീം പരിശീലകരുടെ സാങ്കേതിക കോൺഫറൻസുകൾ, പ്രസ് ഹാൾ ഉൾപ്പെടെ നിരവധി സൗകര്യങ്ങൾ ഇവിടെയുണ്ട്. ജനുവരി 11ന് ഖത്തർ ലെബനൻ ഉദ്ഘാടന മാച്ചിന്റെ കോൺഫറൻസ് രാവിലെ 11 മണിക്ക് ആരംഭിക്കുന്നതോടെ മീഡിയ സെന്ററിലെ പൊതു പരിപാടികൾക്ക് തുടക്കമാകും.
ഖത്തറിന്റെയും പങ്കെടുക്കുന്ന ടീമുകളുടെയും പതാകകൾക്കൊപ്പം ടൂർണമെന്റിന്റെ ലോഗോയും ടൂർണമെന്റിന്റെ മാസ്‌കോട്ട് ചിഹ്നങ്ങളും (സബൂക്ക്, ഫാരിഹ, ട്രീന, സെക്രിതി, ടെംബാക്കി) കൊണ്ടാണ് സെന്റർ അലങ്കരിച്ചത്.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
