January 06, 2024
January 06, 2024
ദോഹ: എഎഫ്‌സി ഏഷ്യൻ കപ്പിന് ദിവസങ്ങൾ മാത്രം ശേഷിക്കെ ഫുട്ബോൾ ആരാധകർക്കായി 'ഫാന്റസി ഫുട്ബോൾ' ഓൺലൈൻ ഗെയിമിന് തുടക്കം. എഎഫ്‌സി വെബ്‌സൈറ്റിലൂടെയോ എഫ്‌സി ലൈവ് ആപ്പിലൂടെയോ ഗെയിം കളിക്കാം. ആരാധകർക്ക് എഎഫ്‌സി ഏഷ്യൻ കപ്പ് കളിക്കാരെ ഉൾപ്പെടുത്തി വെർച്വൽ സ്‌ക്വാഡ് ഉണ്ടാക്കി ഗെയിം തുടങ്ങാം. 10 കോടി വെർച്വൽ കറൻസിയാണ് ബജറ്റായി അനുവദിക്കുക. നോക്കൗട്ട് ഘട്ടത്തിൽ 10.5 കോടിയായി ബജറ്റ് ഉയർത്തും.
ഓരോ സ്‌ക്വാഡിലും 15 കളിക്കാർ ഉണ്ടായിരിക്കണം. 4 സബ്സ്റ്റിറ്റ്യൂട്ടുകൾ ഉൾപ്പടെ 11 കളിക്കാർ ലൈൻ അപ് ആകണം. ആരാധകർക്ക് അവരുടെ സുഹൃത്തുക്കളുമായി സ്വകാര്യ ലീഗുകളിൽ ചേരാനും കഴിയും. ഏഷ്യൻ കപ്പ് അവസാനിക്കുന്നതു വരെയാണ് ഗെയിം. ഗെയിമിന്റെ അവസാനം ഏറ്റവും ഉയർന്ന പോയിന്റുകൾ നേടിയ 20 മത്സരാർഥികൾക്ക് ആകർഷകമായ സമ്മാനങ്ങളും ലഭിക്കും. ഏറ്റവും ഉയർന്ന സ്‌കോർ വാങ്ങിയ ആദ്യ 3 സ്ഥാനക്കാർക്ക് ഈ വർഷം നടക്കുന്ന എഎഫ്‌സി ഏഷ്യൻ യോഗ്യതാ മത്സരത്തിൽ ഇഷ്ട ടീമിന്റെ മത്സരം കാണാനുള്ള അവസരമുണ്ടാകും.
കൂടുതൽ വിവരങ്ങൾക്ക് https://www.the-afc.com/en/national/afc_asian_cup/ എന്ന വെബ്സൈറ്റ് സന്ദർശിക്കാം.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
