November 29, 2023
November 29, 2023
യുഎസ്: ജപ്പാനില്‍ യുഎസ് ഓസ്‌പ്രേ സൈനിക വിമാനം തകര്‍ന്ന് വീണ് ഒരാള്‍ മരിച്ചു. 6 വിമാനങ്ങള്‍ വഹിച്ചുള്ള എയര്‍ക്രാഫ്റ്റാണ് തകര്‍ന്നുവീണത്. ഇന്ന് (നവംബര്‍ 29) പുലര്‍ച്ചെ മൂന്ന് മണിക്ക് മുമ്പായിരുന്നു അപകടം. കാലവസ്ഥ മോശമായതിനെ തുടര്‍ന്ന് വിമാനം അടിയന്തര ലാന്‍ഡിംഗിന് ശ്രമിക്കുന്നതിനിടെ ഇടത് എഞ്ചിനില്‍ തീപിടിക്കുകയായിരുന്നെന്ന് ദൃക്‌സാക്ഷികള്‍ പറഞ്ഞതായാണ് റിപ്പോര്‍ട്ട്.
കടലില്‍ തകര്‍ന്നുവീണ വിമാനത്തിന്റെ അവശിഷ്ടങ്ങള്‍ കണ്ടെത്തിയതായി ജപ്പാന്‍ തീരസംരക്ഷണ സേന അറിയിച്ചു. യകുഷിമ ദ്വീപില്‍ നിന്ന് ഏകദേശം മൂന്ന് കിലോമീറ്റര്‍ അകലെ നിന്നാണ് മരണപ്പെട്ട ആളുടെ മൃതദേഹം കണ്ടെത്തിയത്. അപകടത്തില്‍ പരിക്കേറ്റ മൂന്ന് പേരെ പ്രദേശത്തെ മത്സ്യബന്ധന ബോട്ടുകള്‍ കണ്ടെത്തി. അതേസമയം രക്ഷപ്പെട്ടവരുടെ ആരോഗ്യസ്ഥിതിയെക്കുറിച്ച് വിവരങ്ങള്‍ ലഭ്യമല്ല. ആറ് പേരാണ് വിമാനത്തിലുണ്ടായിരുന്നതെന്നാണ് റിപ്പോര്‍ട്ട്.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
