August 07, 2023
August 07, 2023
അൻവർ പാലേരി
ദോഹ : ദോഹയിൽ നിന്നും ഇന്ന് ഉച്ചയ്ക്ക് 12.25ന് കോഴിക്കോട്ടേക്ക് പോകേണ്ടിയിരുന്ന എയർ ഇന്ത്യ എക്സ്പ്രസ് വിമാനം റദ്ദാക്കി.ഇന്ന് ഉച്ചയ്ക്ക് 12.25 ന് പോകേണ്ടിയിരുന്ന എയർ ഇന്ത്യ എക്സ്പ്രസ്സ് IX 376 വിമാനമാണ് യാത്ര റദ്ദാക്കിയത്.യാത്രക്കാരെ നാളെ നാട്ടിലെത്തിക്കുമെന്ന് അധികൃതർ അറിയിച്ചിട്ടുണ്ട്.എന്നാൽ നാളെ എപ്പോൾ പുറപ്പെടുമെന്ന് പറയാനാവില്ലെന്നും സമയം പിന്നീട് അറിയിക്കുമെന്നാണ് അറിയിച്ചതെന്നും യാത്രക്കാർ ന്യൂസ്‌റൂമിനോട് പറഞ്ഞു.
യാത്രക്കാർക്ക് എയർ ഇന്ത്യ എക്സ്പ്രസ്സ് ഹോട്ടലിൽ താമസ സൗകര്യം ഒരുക്കിയിട്ടുണ്ട്.അതേസമയം,വിവിധ ചടങ്ങുകളിൽ പങ്കെടുക്കാനായി നാട്ടിലേക്ക് പോകാൻ ഇന്ന് രാവിലെ 10 മണിക്ക് മുമ്പ് വിമാനത്താവളത്തിൽ എത്തിയവരാണ് ഇതോടെ ദുരിതത്തിലായത്.സ്ത്രീകളും കുട്ടികളും പ്രായമായവരും യാത്രക്കാരിൽ ഉണ്ട്.എട്ട് മണിക്കൂറിലേറെ വിമാനത്താവളത്തിൽ കാത്തിരുന്ന ശേഷമാണ് ഇവർ ഹോട്ടലിലേക്കുംതാമസിക്കുന്ന മുറിയിലേക്കും മടങ്ങിയത്.സാങ്കേതിക തകരാറാണ് യാത്ര വൈകാൻ കാരണമെന്നാണ് സൂചന.
ന്യൂസ്‌റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/DoTp5mITouhJcwHKcDKLsm.
