August 10, 2023
August 10, 2023
ന്യൂസ്‌റൂം ബ്യൂറോ
നെടുമ്പാശ്ശേരി : ബഹ്റൈനിൽ നിന്നെത്തിയ യുവതിയിൽ നിന്ന് ലക്ഷങ്ങൾ വിലമതിക്കുന്ന സ്വർണം പിടിച്ചെടുത്തു.അമ്മ മരിച്ചുപോയെന്നും, അമ്മയെ അവസാനമായി കാണാനെത്തിയതാണെന്നും കള്ളം പറഞ്ഞ് വിമാനത്താവളത്തിലെ പരിശോധന ഒഴിവാക്കാൻ ശ്രമിച്ച യുവതിയുടെ കൈവശമുണ്ടായിരുന്ന 25.75 ലക്ഷം രൂപയുടെ സ്വർണമാണ് പിടിച്ചെടുത്തത്.
ഇൻഡിഗോ വിമാനത്തിൽ ബഹ്റൈനിൽ നിന്ന് കൊച്ചിയിൽ എത്തിയ ആലപ്പുഴ സ്വദേശിനി റജുലയാണ് പിടിയിലായത്. 518 ഗ്രാം സ്വർണമാണ് ഇവരിൽ നിന്നും പിടിച്ചെടുത്തത്.
കസ്റ്റംസിന്റെ ഡ്യൂട്ടി സമയം മാറുന്ന സമയത്തായിരുന്നു ഇവർ എത്തിയത്. തിരക്കുകൂട്ടി ഗ്രീൻ ചാനലിലൂടെ കടന്നുപോകാൻ ശ്രമിക്കുകയായിരുന്നു റജുല. എന്നാൽ പെരുമാറ്റത്തിൽ സംശയം തോന്നിയ കസ്റ്റംസ്, ഇവരെ വിശദമായി പരിശോധിച്ചു. തുടർന്നാണ് റജുലയിൽ നിന്ന് സ്വർണം കണ്ടെത്തിയത്. ഷൂസിനുള്ളിൽ കറുത്ത കവറിൽ പൊതിഞ്ഞാണ്‌ 275 ഗ്രാം സ്വർണ മിശ്രിതം ഒളിപ്പിച്ചത്. കൂടാതെ, 253 ഗ്രാം തൂക്കം വരുന്ന അഞ്ച് വളകളും ഒരു മാലയും ഇവർ അണിഞ്ഞിരുന്നതായും ഉദ്യോഗസ്ഥർ കണ്ടെത്തി.
ന്യൂസ്‌റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/DoTp5mITouhJcwHKcDKLsm
