February 04, 2023
February 04, 2023
ന്യൂസ്‌റൂം ബ്യുറോ
ദോഹ : ഖത്തറിൽ ജോലി ചെയ്യുന്ന നേപ്പാൾ സ്വദേശിയെ തേടി അബുദാബിയിൽ നിന്നെത്തിയത് 23 മില്യൺ ദിർഹത്തിന്റെ(ഏകദേശം 51 കോടിയിലധികം ഇന്ത്യൻ രൂപ) ഭാഗ്യ സമ്മാനം. വെള്ളിയാഴ്ച അബുദാബിയിൽ നടന്ന ബിഗ് ടിക്കറ്റ് നറുക്കെടുപ്പിലാണ് രഞ്ജിത്കുമാർ പൾ എന്ന നേപ്പാൾ സ്വദേശി ഒറ്റ ദിവസം കൊണ്ട് കോടീശ്വരനായി മാറിയത്.
അബുദാബി ആസ്ഥാനമായുള്ള ബിഗ് ടിക്കറ്റ് നറുക്കെടുപ്പ് ഈ വർഷത്തെ ആദ്യ പ്രമോഷനിൽ 23 ദശലക്ഷം ദിർഹം സമ്മാനം പ്രഖ്യാപിച്ചിരുന്നു.ജനുവരി 16-ന് 232936 എന്ന നമ്പറിൽ രഞ്ജിത് കുമാർ വാങ്ങിയ ടിക്കറ്റാണ് അദ്ദേഹത്തിന്റെ ജീവിതം മാറ്റിമറിച്ചത്.
കഴിഞ്ഞ ഏഴു വർഷമായി ദോഹയിലെ ഒരു മണി എക്സ്ചേഞ്ച് സ്ഥാപനത്തിൽ ജീവനക്കാരനാണ് രഞ്ജിത്കുമാർ.
കഴിഞ്ഞ 15 മാസമായി 20 പേരടങ്ങുന്ന സുഹൃത്തുക്കൾക്കൊപ്പം രഞ്ജിത്ത് ബിഗ് ടിക്കറ്റ് എടുക്കാറുണ്ടെങ്കിലും ഇപ്പോഴാണ് ഭാഗ്യം തേടിയെത്തിയത്.ഭാവിയിലും ടിക്കറ്റ് എടുക്കുന്നത് തുടരുമെന്ന് അദ്ദേഹം പറഞ്ഞു.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/CZ8evyItpDFGmuyTIzjnaL എന്ന ലിങ്കിൽ ജോയിൻ ചെയ്യുക
