September 15, 2021
September 15, 2021
ദോഹ : നാദാപുരം നരിപ്പറ്റ കൊയ്യാൽ സ്വദേശി ചെരിഞ്ഞ പറമ്പത്ത് അമീർ(24) ദോഹയിൽ വാഹനാപകടത്തിൽ മരിച്ചു. ചൊവ്വാഴ്ച രാത്രി അൽ ഖോറിൽ നിന്നും വരുന്ന വഴി ഉംസലാൽ ഹൈവേയിൽ ടയർ പഞ്ചറായതിനെ തുടർന്ന് നിർത്തിയിട്ടിരുന്ന വാഹനത്തിൽ അമീർ സഞ്ചരിച്ച പിക്കപ്പ് ഇടിക്കുകയായിരുന്നു. ഖത്തർ ഹാൻഡ് ബോൾ അസോസിയേഷനിൽ ജോലി ചെയ്തിരുന്ന സി.പി. അബ്ദുല്ല-നസീമ ദമ്പതികളുടെ മകനാണ്.
തിനൂർ മോന്തോമ്മൽ പൂവള്ള പറമ്പത്ത് അർഷിനയാണ് ഭാര്യ.
ദോഹയിലുള്ള അസ്മിൽ , അസ്മിന എന്നിവർ സഹോദരങ്ങളാണ്. പിതൃ സഹോദരൻ സി.പി. ഷൗക്കത്തലിയുടെ ദോഹ ടോപ് ടവർ ട്രേഡിംഗ് കമ്പനിയിൽ ജീവനക്കാരനായിരുന്നു
ഹമദ് ആശുപത്രി മോർച്ചറിയിൽ സൂക്ഷിച്ചിരിക്കുന്ന മൃതദേഹം നടപടിക്രമങ്ങൾ പൂർത്തിയാക്കി നാട്ടിലേക്ക് കൊണ്ട് പോകും.മൃതദേഹം നാട്ടിലേക്ക് കൊണ്ട് പോകുന്നതിനായി ഖത്തർ കെ.എം.സി.സി മയ്യിത്ത് പരിപാലന കമ്മറ്റിയായ അൽ ഇഹ്‌സാൻ പ്രവർത്തകർ ശ്രമിച്ചുവരുന്നു.
ന്യൂസ്‌റൂം വാർത്തകൾ ലഭിക്കാൻ 00974 66200167 എന്ന വാട്സ്ആപ് നമ്പറിൽ സന്ദേശമയക്കുക
