October 08, 2022
October 08, 2022
ന്യൂസ്‌റൂം ബ്യുറോ
ദോഹ : ഖത്തറിൽ ഇറക്കുമതി ചെയ്യുന്ന ഇന്ത്യൻ ചെമ്മീൻ ഉപയോഗിക്കുന്നതിനെതിരെ ഖത്തർ പൊതുജനാരോഗ്യമന്ത്രാലയത്തിന്റെ മുന്നറിയിപ്പ്.ഭക്ഷ്യ മന്ത്രാലയത്തിന്റെ ലബോറട്ടറികളിൽ നടത്തിയ പരിശോധനയിൽ ഇന്ത്യയിൽ നിന്ന് ഇറക്കുമതി ചെയ്യുന്ന ചെമ്മീനിൽ ആരോഗ്യത്തിന് അപകടമയുണ്ടാക്കുന്ന സൂക്ഷ്മാണുക്കളെ വലിയ തോതിൽ കണ്ടെത്തിയതായി അധികൃതർ വ്യക്തമാക്കി.പുതിയതും ശീതീകരിച്ചതുമായ എല്ലാതരം ചെമ്മീനും ഒഴിവാക്കണമെന്നാണ് നിർദേശം.
കഴിഞ്ഞ മൂന്ന് ദിവസങ്ങളിൽ പുതിയതും ശീതീകരിച്ചതുമായ ഇന്ത്യൻ ചെമ്മീൻ വാങ്ങിയിട്ടുണ്ടെങ്കിൽ, അത് കഴിക്കരുതെന്നും വാങ്ങിയ ഔട്ട്‌ലെറ്റുകളിൽ തന്നെ തിരികെ നൽകണമെന്നും മന്ത്രാലയം ഉപഭോക്താക്കളോട് ആവശ്യപ്പെട്ടു.
ഇത് കഴിക്കുകയും ഗ്യാസ്ട്രോ-ഇന്റസ്റ്റൈനൽ അണുബാധയുടെ ലക്ഷണങ്ങൾ അനുഭവപ്പെടുകയും ചെയ്യുന്നുണ്ടെങ്കിൽ ഉപഭോക്താവ് അടുത്തുള്ള ആരോഗ്യ കേന്ദ്രം സന്ദർശിക്കണമെന്നും മന്ത്രാലയം നിർദേശിച്ചു.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/Dg5TqG6OdNJIDasvwIm1qY എന്ന ലിങ്കിൽ ജോയിൻ ചെയ്യുക
