June 24, 2023
June 24, 2023
ന്യൂസ്‌റൂം ബ്യുറോ
ദോഹ :ഖത്തറിൽ ജ്വല്ലറികളിലെത്തി സ്വർണാഭരണങ്ങൾ മോഷ്ടിക്കുന്ന കവർച്ചാ സംഘത്തെ ആഭ്യന്തര മന്ത്രാലയം പിന്തുടർന്ന് അറസ്റ്റ് ചെയ്തു.ജ്വല്ലറികൾ കേന്ദ്രമാക്കി നിരവധി മോഷണങ്ങൾ നടത്തിയിരുന്ന സംഘത്തെ രാജ്യം വിടുന്നതിന് മുമ്പ് ഹമദ് രാജ്യാന്തര വിമാനത്താവളത്തിൽ വെച്ചാണ് ആഭ്യന്തര മന്ത്രാലയത്തിലെ ക്രിമിനൽ ഇൻവസ്റ്റിഗേഷൻ വിഭാഗം പിടികൂടിയത്.
تمكنت إدارة البحث الجنائي من القبض على عصابة قامت بعدة سرقات من محلات بيع الذهب، حيث تم إلقاء القبض على المتهمين في المطار قبل مغادرة البلاد، وتمت إحالتهم للنيابة العامة #الداخلية_قطر pic.twitter.com/sSCnUvNv3Y
— وزارة الداخلية - قطر (@MOI_Qatar) June 24, 2023
ജ്വല്ലറിയിലെ സിസിടിവിയിൽ പതിഞ്ഞ ദൃശ്യങ്ങളാണ് പ്രതികളെ പിടികൂടാൻ സഹായിച്ചത്. ജ്വല്ലറിയിൽ നിന്ന് പുറത്തിറങ്ങുന്നതിന് മുമ്പ് ഒരു പുരുഷനും രണ്ട് സ്ത്രീകളും സ്വർണാഭരണങ്ങൾ മോഷ്ടിക്കുന്നതിനായി വിൽപ്പനക്കാരന്റെ ശ്രദ്ധ തിരിക്കുന്നത് ജ്വല്ലറിക്കുള്ളിലെ സിസിടിവി ദൃശ്യങ്ങളിൽ പതിഞ്ഞിട്ടുണ്ട്ഇതേരീതി തന്നെ സംഘം മറ്റൊരു ജ്വല്ലറിയിലും ആവർത്തിച്ചിരുന്നു.
പ്രതികൾ താമസസ്ഥലം വിട്ടത് മുതൽ ഹമദ് ഇന്റർനാഷണൽ എയർപോർട്ടിൽ എത്തുന്നതുവരെ സിസിടിവി വഴി ട്രാക്ക് ചെയ്യുകയും തൊണ്ടിമുതൽ സഹിതം വിമാനത്താവളത്തിൽ വെച്ച് അറസ്റ്റ് ചെയ്യുകയുമായിരുന്നു.
തുടർ നിയമനടപടികൾക്കായി പ്രതികളെ പബ്ലിക് പ്രോസിക്യൂഷന് കൈമാറിയതായി ആഭ്യന്തര മന്ത്രാലയം അറിയിച്ചു
ഇതുവരെ ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/B5cRGSkveuO5fUeQTErqlq
