April 18, 2023
April 18, 2023
ന്യൂസ്‌റൂം ബ്യുറോ
ദോഹ : ദോഹയിലെ മൻസൂറയിൽ കെട്ടിടം തകർന്ന് വീണ് നിരവധി പേർ മരണപ്പെടാനിടയായ സംഭവത്തിൽ ഉത്തരവാദികളായവർക്കെതിരെ ക്രിമിനൽ കേസ് ചുമത്തും..ഉത്തരവാദികളായവരെ ക്രിമിനൽ കോടതിയിലേക്ക് റഫർ ചെയ്യാൻ പബ്ലിക് പ്രോസിക്യൂട്ടർ ഉത്തരവിട്ടു.
കെട്ടിടത്തിന്റെ പ്രധാന കരാറുകാരൻ,പ്രോജക്ട് കൺസൾട്ടന്റ് കെട്ടിട ഉടമ,അറ്റകുറ്റപ്പണികൾ നടത്തിയ കമ്പനി എന്നിവർക്കെതിരെയാണ് നടപടി.
മാർച് 22 ബുധനാഴ്ചയാണ് രാജ്യത്തെ നടുക്കിയ ദുരന്തമുണ്ടായത്. ബഹുനില കെട്ടിടം തകര്‍ന്നുണ്ടായ അപകടത്തില്‍ നാല് മലയാളികളടക്കം ആറ് ഇന്ത്യക്കാരാണ് മരിച്ചത്. മലപ്പുറം പൊന്നാനി സ്വദേശി അബു ടി മമ്മദുട്ടി(45), മലപ്പുറം മാറഞ്ചേരി സ്വദേശി നൗഷാദ് മണ്ണറയില്‍(44), കാസര്‍കോട് പുളിക്കൂര്‍ സ്വദേശി മുഹമ്മദ് അഷറഫ്(38), നിലമ്പൂര്‍ സ്വദേശി മുഹമ്മദ് ഫൈസല്‍, ജാര്‍ഖണ്ഡില്‍ നിന്നുള്ള ആരിഫ് അസീസ് മുഹമ്മദ് ഹസ്സന്‍(26), ആന്ധ്രാപ്രദേശിലെ ചിരാന്‍പള്ളി സ്വദേശി ശൈഖ് അബ്ദുല്‍നബി ശൈഖ് ഹുസൈന്‍(61) എന്നിവരുടെ മരണമാണ് റിപ്പോര്‍ട്ട് ചെയ്തത്.അപകടത്തിൽ എത്ര പേർ മരിച്ചുവെന്ന ഔദ്യോഗിക കണക്കുകൾ പുറത്തുവന്നിട്ടില്ല.
ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/KIGk615xlF1ILlMGxpUXqI
