September 18, 2022
September 18, 2022
ന്യൂസ്‌റൂം ബ്യുറോ
ദോഹ : ഇന്ത്യൻ കോഫീ ഹൗസിന്റെ ഉൽഘാടനത്തിനായി ദോഹയിലെത്തിയ നടി മഞ്ജുവാര്യർ ഹമദ് ആശുപത്രിക്ക് കീഴിലെ ഖത്തർ കാൻസർ സെന്റർ സന്ദർശിച്ചു.ഖത്തറിലെ വനിതാ ശാക്തീകരണ കൂട്ടായ്മയായ 'മുസാവ'അംഗങ്ങൾക്കൊപ്പമാണ് നടി കാൻസർ സെന്ററിൽ എത്തിയത്.
നാട്ടിലെ ജീവകാരുണ്യപ്രവർത്തനങ്ങളിൽ സജീവമായി ഇടപെടുന്ന മഞ്ജുവാര്യർ ആശുപത്രി സന്ദർശിക്കാനും അവിടുത്തെ സൗകര്യങ്ങൾ നേരിൽ കാണാനും താല്പര്യം പ്രകടിപ്പിച്ചതിനെ തുടർന്ന് കാൻ ഇന്റർനാഷണൽ&മൈക്രൊഹെൽത്ത് ലാബ് സിഇഒ ഡോ.സി.കെ നൗഷാദ് അതിനുള്ള അവസരം ഒരുക്കുകയായിരുന്നു.
ഹമദ് ആശുപത്രിക്ക് കീഴിലെ ആതുരസേവന സംവിധാനങ്ങളും സൗകര്യങ്ങളും മാതൃകാപരമാണെന്ന് മഞ്ജുവാര്യർ അഭിപ്രായപ്പെട്ടു.ആശുപത്രിയിൽ ആതുരസേവനരംഗത്ത് പ്രവർത്തിക്കുന്ന മലയാളി ജീവനക്കാരെ അവർ പ്രത്യേകം അഭിനന്ദിച്ചു.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/CnQu0Sm89HsFGubs4fWsFe എന്ന ലിങ്കിൽ ജോയിൻ ചെയ്യുക
