June 20, 2023
June 20, 2023
ന്യൂസ്‌റൂം ബ്യുറോ
ദോഹ :ഏഷ്യൻ രാജ്യത്ത് നിന്നും മയക്കുമരുന്ന് കടത്തി വിൽപന നടത്തിയിരുന്ന പ്രതിയെ ആഭ്യന്തര മന്ത്രാലയത്തിന്റെ (MoI) സെർച്ച് ആൻഡ് ഫോളോ-അപ്പ് വിഭാഗം അറസ്റ്റ് ചെയ്തു. ഏഷ്യൻ രാജ്യത്ത് നിന്നാണ് ഇയാൾ മയക്കുമരുന്ന് എത്തിച്ചിരുന്നത്.
പ്രതിയുടെ വീട്ടിലും വാഹനത്തിലും നടത്തിയ പരിശോധനയിൽ വിവിധ വലുപ്പത്തിലുള്ള റോളുകളിലും പാക്കറ്റുകളിലുമായി പൊതിഞ്ഞു സൂക്ഷിച്ചിരുന്ന 12 കിലോ ഹഷീഷാണ് പിടികൂടിയതെന്ന് ആഭ്യന്തര മന്ത്രാലയം അറിയിച്ചു.തുടർ നിയമനടപടികൾക്കായി പ്രതിയെയും പിടിച്ചെടുത്ത മയക്കുമരുന്നും പബ്ലിക് പ്രോസിക്യൂഷന് കൈമാറിയതായും മന്ത്രാലയം അറിയിച്ചു.
മയക്കുമരുന്ന് കടത്തുമായി ബന്ധപ്പെട്ട കേസുകൾ വർധിക്കുന്ന സാഹചര്യത്തിൽ ആഭ്യന്തര മന്ത്രാലയവും സെർച്ച് ആൻഡ് ഫോളോ അപ് വിഭാഗവും നിരീക്ഷണം ശക്തമാക്കിയിട്ടുണ്ട്.ഹമദ് രാജ്യാന്തര വിമാനത്താവളത്തിൽ മയക്കുമരുന്ന് കള്ളക്കടത്ത് പിടികൂടാൻ നൂതന സാങ്കതിക വിദ്യകൾ വരെ പ്രയോജനപ്പെടുത്തിയാണ് കസ്റ്റംസ് വിഭാഗം പരിശോധന നടത്തുന്നത്.
ഇതുവരെ ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/HHOGGyLPTMH45QRaxZQRyz
