March 25, 2023
March 25, 2023
ന്യൂസ്‌റൂം ബ്യുറോ
ദോഹ : ദോഹയിൽ സന്ദർശകരുടെ ഇഷ്ടകേന്ദ്രമായ ലുസൈൽ ബൊളിവാർഡിൽ വീണ്ടും വാഹനങ്ങൾക്ക് ഭാഗിക നിയന്ത്രണം ഏർപ്പെടുത്തി.ഇതനുസരിച്ച്,മഗ്‌രിബ് നമസ്‌കാര സമയം മുതൽ ഫജ്ർ (പ്രഭാതം) പ്രാർത്ഥന സമയം വരെ ലുസൈൽ ബൊളിവാർഡ് കാൽനടയാത്രക്കാർക്ക് മാത്രമായിരിക്കുമെന്ന് ഖത്തർ ദിയാർ അറിയിച്ചു.
ലുസൈൽ സിറ്റിയുടെ സോഷ്യൽ മീഡിയ അറിയിപ്പ് പ്രകാരം വിശുദ്ധ റമദാൻ മാസത്തിൽ ഉടനീളം, ലുസൈൽ ബൊളിവാർഡിൽ നിർദ്ദിഷ്ട പ്രാർത്ഥനാ സമയത്ത് വാഹനങ്ങൾക്ക് പ്രവേശനമുണ്ടാവില്ല.
നേരത്തെ മാർച്ച് 11-21 വരെ നടന്ന ഖത്തർ ഇന്റർനാഷണൽ ഫുഡ് ഫെസ്റ്റിവൽ ആഘോഷങ്ങളുടെ ഭാഗമായി ലുസൈൽ ബൊളിവാർഡിന്റെ ഒരു ഭാഗം വാഹന ഗതാഗതം നിരോധിച്ചിരുന്നു.
ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/BA70KEJMeBmGW92ahNcBva
