December 27, 2022
December 27, 2022
ന്യൂസ്‌റൂം ബ്യുറോ
ദോഹ : ലോകകപ്പ് സമയത്ത് അർജന്റീനിയൻ താരം ലയണൽ മെസ്സി ഖത്തറിൽ താമസിച്ചിരുന്ന മുറി ചെറിയ മ്യൂസിയമാക്കി മാറ്റുമെന്ന് ഖത്തർ സർവകലാശാല. ടൂർണമെന്റിന്റെ 29 ദിവസങ്ങളിലും അർജന്റീന ടീമിന്റെ ബേസ് ക്യാമ്പായിരുന്നു യൂണിവേഴ്സിറ്റി കാമ്പസ്. കളിക്കാർക്ക് 'ഫീൽ അറ്റ് ഹോം' തോന്നാൻ വേണ്ടിയുള്ള അർജന്റീനിയൻ ചേരുവകൾ ചേർത്ത് കൊണ്ടായിരുന്നു യൂണിവേഴ്സിറ്റിയുടെ ആതിഥേയത്വം.
അർജന്റീനയുടെ നീലയും വെള്ളയും കൊണ്ട് ക്യാമ്പസ്‌ അലങ്കരിക്കുകയും ഹാളുകൾ ലോകകപ്പ് ചാമ്പ്യന്മാരുടെ പോസ്റ്ററുകളും അവരുടെ ഓട്ടോഗ്രാഫുകളും ജേഴ്‌സികളും കൊണ്ട് നിറഞ്ഞിരിക്കുന്നതുമായ ദൃശ്യങ്ങളടങ്ങിയ വീഡിയോ ഖത്തർ യൂണിവേഴ്സിറ്റി പുറത്തിറക്കിയിരുന്നു.
ഔട്ട്‌ഡോർ സ്‌പോർട്‌സ് പരിശീലിക്കാൻ അവസരമൊരുക്കുന്ന മൂന്ന് സ്‌പോർട്‌സ് കോംപ്ലക്‌സുകൾ, വനിതകൾക്കുള്ള ഇൻഡോർ ജിം എന്നിവ ഖത്തർ യൂണിവേഴ്സിറ്റി തുറന്നിരുന്നു.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻhttps://chat.whatsapp.com/B5cRGSkveuO5fUeQTErqlq എന്ന ലിങ്കിൽ ജോയിൻ ചെയ്യുക
