November 26, 2022
November 26, 2022
ന്യൂസ്‌റൂം ബ്യുറോ
ദോഹ : ഖത്തർ ലോകകപ്പിന്റെ ഭാഗ്യ ചിഹ്നമായ ലഈബുമായി സാമ്യമുള്ള ഖത്തരി ആരാധകന്റെ ചിത്രം ചൈനീസ് മാധ്യമങ്ങളിൽ തരംഗമാവുന്നു.ഖത്തറും ഇക്വഡോറും തമ്മിലുള്ള ഉദ്‌ഘാടന മത്സരത്തിനിടെ കാമറയിൽ പതിഞ്ഞ ഖത്തരി ആരാധകനായ സ്വദേശി ബാലന്റെ ചിത്രമാണ് ചൈനീസ് മാധ്യമങ്ങൾ വലിയ പ്രാധാന്യത്തോടെ വാർത്തയാക്കിയത്.
ഖത്തർ ആരാധകന്റെ രൂപവും ലോകകപ്പ് ഭാഗ്യചിഹ്നവും തമ്മിലുള്ള സാമ്യം ചൂണ്ടിക്കാട്ടി കഴിഞ്ഞ ദിവസങ്ങളിൽ ചൈനയിലെ സോഷ്യൽ മീഡിയ ഉപയോക്താക്കൾ ചിത്രം വ്യാപകമായി പ്രചരിപ്പിച്ചിരുന്നു.ഖത്തറി ടീമിന്റെ പ്രകടനത്തിൽ യുവ ആരാധകനുള്ള സങ്കടവും ദേഷ്യവും സൂചിപ്പിക്കുന്ന സ്വതസിദ്ധമായ ഭാവപ്രകടങ്ങൾക്ക് 'ലഈബ്'ന്റെ ഭാവവുമായുള്ള സാമ്യത ചൂണ്ടിക്കാട്ടിയുള്ള ഹാഷ്‌ടാഗ് ചൈനയിലെ സോഷ്യൽ മീഡിയ പ്ലാറ്റ്‌ഫോമുകളിൽ ഒന്നാമതെത്തിയിരുന്നു. ഇതിനു പിന്നാലെയാണ് ചൈനയിലെ പ്രമുഖ പത്രങ്ങൾ സംഭവം വാർത്തയാക്കിയത്.
തന്നെ ട്രെൻഡിങ് ചിത്രമാക്കിയതിന് നന്ദി പറഞ്ഞ യുവാവ് ഖത്തർ സന്ദർശിക്കാനും ലോകകപ്പ് ആസ്വദിക്കാനും ചൈനക്കാരെ ക്ഷണിച്ചു.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/FIrAwQZT29aGSsExw8Oea6 എന്ന ലിങ്കിൽ ജോയിൻ ചെയ്യുക
