February 12, 2023
February 12, 2023
ന്യൂസ്‌റൂം ബ്യുറോ
ദോഹ: കെഎംസിസി ഖത്തർ കാസർഗോഡ് ജില്ലാ കമ്മിറ്റി ഏകദിന നേതൃത്വ ക്യാമ്പ് സംഘടിപ്പിച്ചു . 'ദർപ്പണം -2023 ' എന്ന ശീർഷകത്തിൽ രണ്ട് സെക്ഷനുകളിലായി സംഘടിപ്പിച്ച പരിപാടി വൈവിധ്യമാർന്ന ക്ലാസ്സുകൾ കൊണ്ടും ഭാരവാഹികളുടെ പങ്കാളിത്തം കൊണ്ടും ശ്രദ്ധേയമായതായി സംഘാടകർ അറിയിച്ചു.
തുമാമയിലെ സംസ്ഥാന ഓഫീസിൽ റഫീഖ് റഹ്‌മാനിയുടെ പ്രാർത്ഥനയോടെ ആരംഭിച്ച ക്യാമ്പ് സംസ്ഥാന ഉപദേശക വൈസ് ചെയർമാൻ എം.പി ഷാഫി ഹാജി ഉദ്‌ഘാടനം ചെയ്തു.
പ്രമുഖ ട്രെയിനറും ചിന്തകനുമായ ഡോ. സുലൈമാൻ മേൽപ്പത്തൂർ സോഷ്യൽ ലീഡേഴ്സ് എന്ന വിഷയത്തെ ആസ്പദമാക്കി സംസാരിച്ചു വിദ്യാഭ്യാസത്തിന്റെ പ്രാധാന്യം മനസ്സിലാക്കി സി.എച്ച് മുഹമ്മദ് കോയ നടത്തിയ വിപ്ലവങ്ങളാണ് ന്യൂനപക്ഷ വിഭാങ്ങൾക്കിടയിൽ വിദ്യാഭ്യാസ വളർച്ചയ്ക്ക് കാരണമായതെന്ന് അദ്ദേഹം കൂട്ടിച്ചേർത്തു.
രണ്ടാമത്തെ സെഷനിൽ മികച്ച സംഘടന രീതികളെ കുറിച്ച് സംസ്ഥാന പ്രസിഡണ്ട് സാം ബഷീർ സംസാരിച്ചു . എസ് എസ് പി ചെയർമാൻ എം ടി പി മുഹമ്മദ് കുഞ്ഞി സ്നേഹ സുരക്ഷാ പദ്ധതിയെ കുറിച്ച് വിശദീകരിച്ചു. ജാഫർ സാദിഖ് പാലക്കാട് പങ്കെടുത്തു. . ഓർമ്മകളിലൂടെ കെഎംസിസി എന്ന വിഷയത്തിൽ മുട്ടം മഹമ്മൂദ് പഴയ കാല പ്രവർത്തനങ്ങൾ പുതു തലമുറയ്ക്ക് വിശദീകരിച്ചു കൊടുത്തു . റീച്ച് ദ അൺറീച്ച് എന്ന വിഷയത്തിൽ നാസർ കൈതക്കാട് സംസാരിച്ചു.
അടുത്ത മൂന്ന് വർഷത്തേയ്ക്ക് നടപ്പിലാക്കാൻ ഉദ്ദേശിക്കുന്ന പരിപാടിയുടെ ബ്രൗഷർ ല്‌കാനുൽ ഹകീം സാം ബഷീറിന് നൽകി പ്രകാശനം ചെയ്തു . ജില്ലാ സെക്രട്ടറി മുഹമ്മദ് കെബി,ജില്ലാ പ്രസിഡണ്ട് ലുക്മാനുൽ ഹകീം,കെഎസ് മുഹമ്മദ് കുഞ്ഞി, എംവി ബഷീർ,ജില്ലാ കമ്മിറ്റി ഭാരവാഹികളായ ആദം കുഞ്ഞി തളങ്കര , സിദ്ദിഖ് മണിയംപാറ , സഗീർ ഇരിയ , സാദിഖ് കെ സി , അഷ്‌റഫ് ആവിയിൽ,ജില്ലാ ജനറൽ സെക്രട്ടറി സമീർ ഉടുമ്പുതല,ജില്ലാ സെക്രട്ടറി ഷാനിഫ് പൈക്ക എന്നിവർ സംസാരിച്ചു.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/CZ8evyItpDFGmuyTIzjnaL എന്ന ലിങ്കിൽ ജോയിൻ ചെയ്യുക
