July 14, 2020
July 14, 2020
ദോഹ : ഖത്തറിൽ മരിച്ച നിലയിൽ കാണപ്പെട്ട കണ്ണൂർ ഉരുവച്ചാൽ പഴശ്ശി സ്വദേശി ബൈത്തുറഹ്മയിൽ എം.പി ഹാരിസിന്റെ മരണത്തിൽ ദുരൂഹതയുള്ളതായി ബന്ധുക്കൾ ആരോപിച്ചു. ഈ മാസം 12 ന്(ഞായർ) വൈകീട്ടാണ് ഹാരിസ് മരണപ്പെട്ടതായി നാട്ടിൽ വിവരം ലഭിക്കുന്നത്.എന്നാൽ മരണപ്പെട്ട നിലയിൽ കണ്ടെത്തുകയും തുടർന്ന് ആശുപത്രിയിൽ എത്തിച്ച മൃതദേഹത്തിന് രണ്ടു ദിവസത്തെ പഴക്കമുള്ളതായി ആശുപത്രി അധികൃതർ അറിയിച്ചതായും ബന്ധുക്കൾ പറയുന്നു.ദോഹയിലെ അൽനാസറിൽ റെസ്റ്റോറന്റ് ജീവനക്കാരനായിരുന്നു മരിച്ച ഹാരിസ്.
മരണത്തിൽ ദുരൂഹത സംശയിക്കുന്നതിനാൽ അന്വേഷണം പൂർത്തിയാകുന്നതുവരെ മൃതദേഹം ഹമദ് ആശുപത്രിയിൽ തന്നെ സൂക്ഷിക്കാനാണ് തീരുമാനം.സംഭവത്തിൽ പോലീസ് അന്വേഷണം നടത്തിവരികയാണ്. പോസ്റ്റ്മോർട്ടം റിപ്പോർട്ടിന് ശേഷം മാത്രമേ മരണ കാരണം വ്യക്തമാകൂ.ഇതുമായി ബന്ധപ്പെട്ട് ഖത്തർ പോലീസ് ഏതാനും പേരെ കസ്റ്റഡിയിൽ എടുത്തതായും സ്ഥിരീകരിക്കാത്ത വിവരമുണ്ട്. മൃതദേഹത്തിൽ പാടുകൾ കാണപ്പെട്ടതും ദുരൂഹത വർധിപ്പിക്കുന്നുണ്ട്.നടപടിക്രമങ്ങൾ പൂർത്തിയാക്കി മൃതദേഹം വിട്ടുകിട്ടാൻ ഖത്തർ കെ.എം.സി.സി മട്ടന്നൂർ മണ്ഡലം രംഗത്തുണ്ട്.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക