June 12, 2022
June 12, 2022
അൻവർ പാലേരി
കോഴിക്കോട് : ഈ വർഷം നവംബറിൽ ഖത്തറിൽ നടക്കാനിരിക്കുന്ന ഫിഫാ ലോകകപ്പ് ടൂര്ണമെന്റിന്റെ പന്ത് സ്വന്തമാക്കി കോഴിക്കോട് ജില്ലയിലെ പേരാമ്പ്ര സ്വദേശി ജൈസൽ..ചിത്രകാരനും പേരാമ്പ്ര മരുതേരി സ്വദേശിയുമായ ജൈസലിന് ഫിഫ ഉപകാര സ്മരണയായാണ് ലോകകപ്പിനുള്ള 'അൽ രിഹ്ല' എന്ന് നാമകരണം ചെയ്ത പ്രത്യേക പന്ത് സമ്മാനമായി നൽകിയത്.
കോഴിക്കോട് തൊണ്ടയാട് ഹൈലൈറ്റ് മാളിൽ പ്രവർത്തിക്കുന്ന ലോന ആർട്ട് ആൻഡ് ഗിഫ്റ്റിന്റെ മാനേജറായ ജൈസൽ ഫിഫാ പ്രസിഡന്റ് ജിയാനി ഇൻഫാന്റിനോയുടെ ചിത്രം വരച്ച് സുഹൃത്തായ ജസീം വഴി ഖത്തറിൽ എത്തിച്ചിരുന്നു.ഖത്തറിൽ ഇൻഫാന്റിനോയുടെ ഡ്രൈവറായ ജസീം,ജൈസൽ വരച്ച ചിത്രം അദ്ദേഹത്തിന് സമ്മാനിക്കുകയായിരുന്നു.ഇതിനുള്ള സമ്മാനമായാണ് ഇൻഫാന്റിനോ ഖത്തർ ലോകകപ്പിന്റെ ജേഴ്‌സികളും ഔദ്യോഗിക മുദ്രയുള്ള കീ ചെയിനും തൊപ്പിയും ജൈസലിന് സമ്മാനിച്ചത്.ജസീം നാട്ടിലെത്തിയപ്പോൾ ഫിഫയുടെ സമ്മാനങ്ങൾ ജൈസലിന് കൈമാറുകയായിരുന്നു.
ഖത്തർ ലോകകപ്പ് മത്സരങ്ങൾക്ക് ഉപയോഗിക്കുന്ന പന്തും ഔദ്യോഗിക ചിഹ്നങ്ങൾ പതിപ്പിച്ച സമ്മാനങ്ങളും സ്വന്തമാക്കാൻ കഴിഞ്ഞതിന്റെ സന്തോഷത്തിലാണ് ജൈസൽ.
ഏറെ സവിശേഷതകളുള്ള അൽ രിഹ്ല പന്ത് നിർമിച്ചത് അഡിഡാസ് ആണ്.ലോകകപ്പ് ചരിത്രത്തിലെ ഏറ്റവും വേഗതയേറിയ പന്ത് എന്ന വിശേഷണത്തോടെയാണ് അൽ രിഹ്ല ഖത്തറിലെ എട്ട് ലോകകപ്പ് മൈതാനങ്ങളിൽ ആവേശം വിതറാൻ എത്തുന്നത്.
ന്യൂസ്‌റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്‌റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക
