September 11, 2022
September 11, 2022
ദോഹ :ഇന്‍കാസ് ഖത്തര്‍ സെന്‍ട്രല്‍ കമ്മിറ്റിയുടെ ആഭിമുഖ്യത്തില്‍ ത്രിവര്‍ണ്ണം തിരുവോണം എന്ന പേരില്‍ സംഘടിപ്പിച്ച ഓണാഘോഷം ശ്രദ്ധേയമായി. ചെണ്ട മേളം, മാവേലി എഴുന്നള്ളത്ത്, തിരുവാതിര,സംഘ നൃത്തം, നാടന്‍ പാട്ടുകള്‍, പൂക്കളം തുടങ്ങി വൈവിധ്യമാർന്ന പരിപാടികൾ അരങ്ങേറി.
ഇന്ത്യന്‍ കള്‍ചറല്‍ സെന്‍റര്‍ പ്രസിഡണ്ട് പി.എന്‍ ബാബു രാജന്‍ ഉദ്ഘാടനം ചെയ്തു. ഐക്യത്തിന്‍റെയും സമത്വത്തിന്‍റെയും സാഹോദര്യത്തിന്‍റെയും സന്ദേശമാണ് ഓണാഘോഷം പകര്‍ന്ന് നല്കുന്നതെന്നും ഖത്തറിലെ മലയാളികള്‍ക്കിടയിലും ഈ ഐക്യവും സാഹോദര്യവും നിലനിർത്താൻ കഴിയുന്നത് ഏറെ സന്തോഷകരമാണെന്നും ബാബു രാജന്‍ പറഞ്ഞു.
ഐസിസി അശോക ഹാളില്‍ നടന്ന ചടങ്ങില്‍ ഇന്‍കാസ് പ്രസിഡണ്ട് ഹൈദര്‍ ചുങ്കത്തറ അദ്ധ്യക്ഷത വഹിച്ചു. ഐസിബി എഫ് പ്രസിഡണ്ട് വിനോദ് വി നായര്‍, ഇന്‍കാസ് അഡ്വൈസറി ബോര്‍ഡ് ചെയര്‍മാന്‍ ജോപ്പച്ചന്‍ തെക്കെകൂറ്റ്, വൈസ് പ്രസിഡണ്ടുമാരായ പ്രദീപ് പിള്ളൈ, വി എസ് അബ്ദുറഹ്മാൻ, ട്രഷറര്‍ ഈപ്പന്‍ തോമസ് പ്രോഗ്രാം, കമ്മിറ്റി ചെയര്‍മാന്‍ ജയ്പാല്‍ തിരുവനന്തപുരം എന്നിവര്‍ സംബന്ധിച്ചു. ജനറ‍ല്‍ സെക്രട്ടറി ബഷീര്‍ തുവാരിക്കല്‍ സ്വാഗതവും പ്രോഗ്രാം കമ്മിറ്റി കണ്‍വീനര്‍ ഫാസില്‍ ആലപ്പുഴ നന്ദിയും പറഞ്ഞു. കലാ പരിപാടികള്‍ക്ക് വിവിധ ജില്ലാ കമ്മിറ്റികള്‍ നേതൃത്തം നല്‍കി.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/HrLcaJxM8ioJZfNN9bsdpq എന്ന ലിങ്കിൽ ജോയിൻ ചെയ്യുക
