August 18, 2022
August 18, 2022
അൻവർ പാലേരി
ദോഹ : ഇന്ത്യൻ സ്വാതന്ത്ര്യത്തിന്റെ എഴുപത്തിയഞ്ചാം വാർഷികം പ്രമാണിച്ചുള്ള 'ആസാദി കാ അമൃത്' മഹോത്സവത്തിന്റെ ദോഹയിലെ ആഘോഷ പരിപാടികൾ നാളെ(വെള്ളി) സമാപിക്കും.ഇന്ത്യൻ കൾചറൽ സെന്റർ(ഐസിസി) സംഘടിപ്പിച്ച 19 ദിവസം നീണ്ടുനിന്ന തുടർച്ചയായ ആഘോഷ പരിപാടികൾക്കാണ് നാളെ തിരശീല വീഴുന്നത്.നാളെ വൈകീട്ട് മൂന്നു മണിക്ക് അൽ അറബി സ്പോർട്സ് ഇൻഡോർ സ്റ്റേഡിയത്തിൽ നടക്കുന്ന ഗ്രാൻഡ് ഫിനാലെയിൽ ഖത്തറിലെ ഇന്ത്യൻ സ്ഥാനപതി ഡോ,ദീപക് മിത്തൽ ഉൾപെടെ പ്രമുഖർ സംബന്ധിക്കും.
ഇന്ത്യൻ സാംസ്കാരിക പാരമ്പര്യം വെളിപ്പെടുത്തുന്ന വിവിധ പരിപാടികൾ അരങ്ങേറും.ഇന്ത്യയിൽ നിന്നുള്ള ദാനിഷ് ഹുസ്സൈൻ ബദയൂനിയും സംഘവും അവതരിപ്പിക്കുന്ന ഖവാലി സംഗീത സദസ്സായിരിക്കും പരിപാടിയിലെ മുഖ്യ ആകര്ഷണമെന്ന് ഇന്ന് ദോഹയിൽ വിളിച്ചുചേർത്ത വാർത്താ സമ്മേളനത്തിൽ സംഘടകർ അറിയിച്ചു.ലൈവ് ഗാനമേള,നൃത്തപരിപാടികൾ,മാജിക് ഷോ തുടങ്ങി വൈവിധ്യമാർന്ന കലാപരിപാടികൾ അരങ്ങേറും.പ്രവേശനം സൗജന്യമായിരിക്കും.
ആഗസ്റ്റ് ഒന്നിന് ആരംഭിച്ച തുടർച്ചയായ കലാ-സാംസ്കാരിക പരിപാടികൾക്കാണ് നാളെ നടക്കുന്ന ഗ്രാൻഡ് ഫിനാലെയോടെ സമാപനം കുറിക്കുന്നത്.ഖത്തറിലെ ഇന്ത്യൻ സമൂഹത്തിന്റെ ചരിത്രത്തിൽ ഇതാദ്യമായാണ് തുടർച്ചയായ പത്തൊൻപത് ദിവസം ആഘോഷ പരിപാടികൾ അരങ്ങേറുന്നത്.
വാർത്താസമ്മേളനത്തിൽ ഐസിസി പ്രസിഡണ്ട് പി.എൻ ബാബുരാജൻ,വൈസ് പ്രസിഡണ്ട് സുബ്രഹ്മണ്യ ഹെബ്ബഗെലു,ജനറൽ സെക്രട്ടറി കൃഷ്ണകുമാർ ബന്ധകവി,സംഘാടകസമിതി അധ്യക്ഷൻ എ.പി മണികണ്ഠൻ,കമൽ ഠാക്കൂർ തുടങ്ങിയവർ പങ്കെടുത്തു.
ന്യൂസ്‌റൂം വാർത്തകൾ മുടങ്ങാതെ ലഭിക്കാനും പരസ്യങ്ങൾ നൽകാനും ബന്ധപ്പെടുക : +974 33450597.ഫെയ്‌സ്ബുക്കിൽ വാർത്തകൾ ലഭിക്കാൻ https://www.facebook.com/groups/Newsroomcluഎന്നലിങ്കിൽ ജോയിൻ ചെയ്യുക
