July 16, 2023
July 16, 2023
ന്യൂസ്‌റൂം ബ്യുറോ
ദോഹ : ഖത്തറിൽ ചൂടും ഈർപ്പവും ഏറ്റവും കൂടിയ 'അൽ-ഹനാ' പ്രതിഭാസത്തിന് ഇന്ന് തുടക്കമാകുമെന്ന് കാലാവസ്ഥാ വിഭാഗം (ക്യുഎംഡി) അറിയിച്ചു.ഇതേതുടർന്ന് അടുത്ത 13 ദിവസങ്ങളിൽ രാജ്യത്ത് താപനില ഗണ്യമായി ഉയരുമെന്നും ഈർപ്പം വർദ്ധിക്കുന്നതിനിടയാക്കുമെന്നും അധികൃതർ മുന്നറിയിപ്പ് നൽകി.
ഈ കാലയളവിൽ വരണ്ട കാലാവസ്ഥയായിരിക്കുമെന്നും അന്തരീക്ഷത്തിലെ ഈർപ്പത്തിന്റെ അളവ് കൂടുമെന്നും കാലാവസ്ഥാവിഭാഗം ട്വീറ്റ് ചെയ്തു.ഇത് തീരപ്രദേശത്ത് കഠിനമാകുമെന്നും നേരിയ മൂടൽമഞ്ഞിനും നേർത്ത കാറ്റിനും ഇടയാക്കും.
ചൂടും ഈർപ്പവും വർധിക്കുന്നത് പലതരത്തിലുള്ള സൂര്യാഘാതമടക്കമുള്ള ആരോഗ്യപ്രശ്നങ്ങൾക്ക് കാരണമാകുമെന്നും എച്ച്എംസിയിലെ എമർജൻസി വിഭാഗം മെഡിക്കൽ റസിഡന്റ് ഡോ ഐഷ അലി അൽ സാദ മുന്നറിയിപ്പ് നൽകി. ഹീറ്റ് സ്ട്രോക്കിന്റെ ലക്ഷണങ്ങൾ തിരിച്ചറിയാനും പ്രതിരോധിക്കാനുള്ള നിർദേശങ്ങളും അവർ ട്വിറ്ററിൽ പങ്കുവെച്ചു.
കുട്ടികളും പ്രായമായവരും വിട്ടുമാറാത്ത രോഗങ്ങളുള്ള രോഗികളും ഈ കാലയളവിൽ ആരോഗ്യ കാര്യങ്ങളിൽ പ്രത്യേകം ശ്രദ്ധ പുലർത്തണം. തണുത്ത വെള്ളത്തിൽ കുളിക്കുന്നതോ തണുത്ത പാഡുകൾ ഉപയോഗിക്കുന്നതോ ശരീരത്തിന്റെ ഊഷ്മാവ് കുറക്കുന്നതിന് സഹായിക്കും. സൂര്യാഘാതമുണ്ടായാൽ, വ്യക്തിയെ ഉടൻ തന്നെ തണുത്ത സ്ഥലത്തേക്ക് മാറ്റുക, തലയും തോളും ഉയർത്തി വ്യക്തിയെ അവന്റെ/അവളുടെ പിൻവശത്തായി കിടത്തുക.ശേഷം തണുത്ത വെള്ളമോ ഐസ്ഡ് പാനീയമോ നൽകുകയും തണുത്ത പാഡുകൾ ധരിപ്പിക്കുകയും ചെയ്യണം.30 മിനിറ്റിന് ശേഷവും അവസ്ഥ മെച്ചപ്പെടുന്നില്ലെങ്കിലോ ശരീര താപനില 40 ഡിഗ്രിയിൽ കൂടുതലാണെങ്കിലോ 999-ലേക്ക് വിളിക്കണമെന്നും ഡോ അൽ സദ കൂട്ടിച്ചേർത്തു.
ന്യൂസ്‌റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/FZrPbBIed7U4lm5VsQzYgH
