July 24, 2021
July 24, 2021
ദോഹ: ഖത്തറിലെത്തുന്ന സന്ദര്‍ശക വിസക്കാര്‍ ഉള്‍പ്പെടെ ഹെല്‍ത്ത് ഇന്ഷുറന്സ് രെജിസ്‌ട്രേഷന്‍ പൂര്‍ത്തിയാക്കണം. ഹെല്‍ത്ത് ഇന്ഷുറന്സ് ഇല്ലാത്ത വ്യക്തികള്‍ക്ക് എയര്‍പോര്‍ട്ടില്‍ പ്രവേശനാനുമതി നിരസിക്കപ്പെടാന്‍ സാധ്യത. സന്ദര്‍ശകര്‍ ഖത്തറില്‍ താമസിക്കുന്ന അത്രയും കാലത്തേക്കാണ് ഇന്ഷുറന്സ് സ്വീകരിക്കേണ്ടത്. ഖത്തറിലെത്തിയ ശേഷമുള്ള അടിസ്ഥാന ആരോഗ്യസേവനങ്ങള്‍ ഉറപ്പുവരുത്തുന്നതിനായാണ് ഇവര്‍ക്ക് ഹെല്‍ത്ത് ഇന്ഷുറന്സ് നിര്‍ബന്ധമാക്കിയത്.ഖത്തറില്‍ റെസിഡന്റ് വിസയുള്ള പ്രവാസികള്‍ക്ക് അടക്കം ഹെല്‍ത്ത് ഇന്ഷുറന്സ് നിബന്ധനയുണ്ട്. എന്നാല്‍ ഇവരോടൊപ്പം ഫാമിലി വിസയില്‍ എത്തുന്ന കുടുംബാംഗങ്ങളോ മറ്റു സന്ദര്‍ശകരോ ഇത് ശ്രദ്ധിക്കാറില്ല. ഇത്തരത്തില്‍ ഫാമിലി വിസയിലെത്തിയ പലര്‍ക്കും എയര്‍പോര്‍ട്ടില്‍ അധികൃതര്‍ യാത്രാതടസ്സം ഉന്നയിക്കുന്നതായി റിപ്പോര്‍ട്ടുണ്ട്. തുടര്‍ന്ന് ഹെല്‍ത്ത് ഇന്ഷുറന്സ് എടുത്ത ശേഷം മാത്രമാണ് ഇവരെ കടത്തി വിടുന്നത്.
