January 22, 2023
January 22, 2023
ന്യൂസ്റൂം ബ്യുറോ
ദോഹ: ഖത്തർ ലോകകപ്പിനോടനുബന്ധിച്ച് അനുവദിച്ചിരുന്ന പ്രത്യേക ആനുകൂല്യങ്ങളിൽ രാജ്യത്തെത്തിയ വിദേശികൾ ജനുവരി 23 തിങ്കളാഴ്ചയോടെ രാജ്യം വിടണം.ലഭ്യമായ വിവരമനുസരിച്ച് ഇവർക്ക് വീണ്ടും രാജ്യത്ത് തുടരാനുള്ള ഇളവുകളൊന്നും ലഭിക്കില്ല.അതേസമയം,അനുവദിച്ച കാലാവധിക്ക് മുമ്പ് രാജ്യത്ത് നിന്നും പുറത്തുപോയില്ലെങ്കിൽ അധികമായി തങ്ങുന്ന ദിവസങ്ങൾക്ക് പിഴ ചുമത്താനും സാധ്യതയുണ്ട്.ഇതുമായി ബന്ധപ്പെട്ട ഔദ്യോഗിക അറിയിപ്പുകൾ അടുത്ത ദിവസങ്ങളിൽ മന്ത്രാലയം പുറപ്പെടുവിക്കുമെന്നാണ് സൂചന.
നവംബർ 1 മുതൽ ഡിസംബർ 23 വരെ നടന്ന ഫിഫ ലോകകപ്പ് കാലയളവിൽ 95-ലധികം രാജ്യങ്ങളിൽ നിന്നുള്ള സന്ദർശകർ ഹയ്യ കാർഡ് ഉപയോഗിച്ച് ഖത്തറിൽ പ്രവേശിച്ചിരുന്നു.ഹയ്യ കാർഡ് ഉടമകൾക്കും ഹയ്യ പ്ലാറ്റ്ഫോം രജിസ്‌ട്രേഷൻ വഴിയും ഇക്കാലയളവിലുടനീളം, എയർ, കര, സമുദ്ര അതിർത്തികൾ വഴി രാജ്യത്തേക്ക് പ്രവേശിക്കാൻ വിദേശികൾക്ക് അനുമതി നൽകിയിരുന്നു.ഈ കാലാവധിയാണ് നാളെ അവസാനിക്കുന്നത്.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/JSu55PzLuSjIOAiVOpZz2i എന്ന ലിങ്കിൽ ജോയിൻ ചെയ്യുക
