February 15, 2023
February 15, 2023
ന്യൂസ്‌റൂം ബ്യുറോ
ദോഹ: ഖത്തറിന്റെ കാര്‍ഷിക മൃഗസംരക്ഷണ പൈതൃകം പ്രതിഫലിപ്പിക്കുന്ന ഹലാല്‍ ഫെസ്റ്റിവലിന് വ്യാഴാഴ്ച(നാളെ) കത്താറയിൽ തുടക്കമാകും.കത്താറയുടെ തെക്ക് ഭാഗത്തായി നടക്കുന്ന പതിനൊന്നാമത് മേള ഫിബ്രുവരി 24 വരെ നീണ്ടുനിൽക്കും.
അൽ മസൈൻ (ആടുകളുടെ സൗന്ദര്യമൽസരം), അൽ മസാദ്(ആടുകളുടെ ലേലം)എന്നീ വിഭാഗങ്ങളിലായി വൈവിധ്യമാര്‍ന്ന ആടുകളുടെ പ്രദര്‍ശനവും വിപണനവുമാണ് മേളയിലുണ്ടാവുക.ഗള്‍ഫ് മേഖലയിലെ ഏറ്റവും ജനപ്രിയ ആഘോഷപരിപാടികളിലൊന്നാണിത്. അല്‍ മസൈന്‍ എന്നപേരിലുള്ള ആടുകളുടെയും വിവിധയിനം ചെമ്മരിയാടുകളുടെയും സൗന്ദര്യമത്സരമാണ് മേളയുടെ മുഖ്യാകര്‍ഷണം.
അറബ് ,ഇസ്‌ലാമിക പാരമ്പര്യങ്ങള്‍ പുതുതലമുറയ്ക്ക് പരിചയപ്പെടുത്തുക, പൂര്‍വികരുടെ ജീവിതം എങ്ങനെയായിരുന്നു എന്ന ബോധം അവരിലുണ്ടാക്കുക, ഖത്തറില്‍ കന്നുകാലി വളര്‍ത്തലില്‍ കൈവരിച്ച നേട്ടങ്ങള്‍ പൊതുജനങ്ങള്‍ക്കു പകര്‍ന്നുകൊടുക്കുക, വൈവിധ്യമാര്‍ന്ന സാംസ്‌കാരിക സമ്പത്ത് പ്രദര്‍ശിപ്പിക്കുന്നതിലൂടെ രാജ്യത്തിന്റെ പൈതൃകത്തെ പരിചയപ്പെടുത്തുക, മാംസ ലഭ്യതയില്‍ ഖത്തറിനെ സ്വയംപര്യാപ്തതയിലേക്ക് ഉയര്‍ത്തുക എന്നിവയാണ് ഫെസ്റ്റിവലിന്റെ പ്രധാന ലക്ഷ്യങ്ങള്‍.
ക്ഷീര, കന്നുകാലി ഉത്പന്നങ്ങളുടെ പ്രദര്‍ശനവും വിപിണനവും ഈ സ്റ്റാളുകള്‍ മുഖേന നടക്കും. വിവിധ രാജ്യങ്ങളില്‍ നിന്ന് ഒട്ടേറെപ്പേര്‍ എല്ലാവര്‍ഷവും ഹലാല്‍ ഫെസ്റ്റിവലില്‍ പങ്കെടുക്കാനും ആസ്വദിക്കാനും എത്താറുണ്ട്.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/CZ8evyItpDFGmuyTIzjnaL എന്ന ലിങ്കിൽ ജോയിൻ ചെയ്യുക
