October 26, 2022
October 26, 2022
ന്യൂസ്‌റൂം ബ്യുറോ
ദോഹ: ഖത്തറിലെ പ്രമുഖ റീട്ടെയില്‍ ശൃംഖലയായ ഗ്രാൻഡ് മാളിന്റെ പുതിയ ഹൈപര്‍മാര്‍ക്കറ്റായ ഗ്രാൻഡ് എക്സ്പ്രസ് ഉംഖര്‍നയില്‍ പ്രവര്‍ത്തനം തുടങ്ങി, പ്രൗഢഗംഭീരമായ ചടങ്ങില്‍ ശൈഖ് ഫൈസല്‍ ഖലീഫ എസ്.ജെ അൽത്താനി ഹൈപ്പര്‍മാര്‍ക്കറ്റ് ഉദ്ഘാടനം ചെയ്തു.
ഗ്രാൻഡ് ഹൈപ്പർ മാർക്കറ്റിന്റെ ഏഴാമത്തെ ശാഖയാണ് ഉംഖർനയിൽ പ്രവർത്തനം തുടങ്ങിയത്, ഗ്രാൻഡ്മാൾ മാനേജിങ് ഡയറക്ടർ ഡോ. അൻവർ അമീൻ ചേലാട്ട്, റീജനൽ ഡയറക്ടർ അഷ്റഫ് ചിറക്കൽ, സി.ഇ.ഒ ഷരീഫ് ബി.സി, ജനറൽ മാനേജർ അജിത് കുമാർ, ചീഫ് ഓപറേഷൻ ഓഫിസർ ഡേവിഡ്ഫോഡ് എന്നിവർ പങ്കെടുത്തു,
ശമാൽ എക്സ്പ്രസ് റോഡിൽ എക്സിറ്റ് 24ലാണ് ഉം ഖർനയിലെ ഗ്രാൻഡ് എക്സ്പ്രസ് ഹൈപ്പർമാർക്കറ്റ് പ്രവർത്തനമാരംഭിച്ചത്.ഉംഖർനയിലെ വിവിധ വിഭാഗം ഉപഭോക്താക്കൾക്ക് മികച്ച ഷോപ്പിങ് അനുഭവം നൽകുന്നതായിരിക്കും ഗ്രാൻഡ് എക്സ്പ്രസ്. അന്താരാഷ്ട്ര നിലവാരമുള്ള ഷോപ്പിങ് അനുഭവവും ഉൽപന്നങ്ങളും ഇവിടെ ലഭ്യമായിരിക്കുമെന്ന് മാനേജ്മെന്റ് ഉറപ്പ് നൽകി.പഴം, പച്ചക്കറികള്‍, ധാന്യങ്ങള്‍, ബേക്കറികള്‍, മത്സ്യം, മാംസം തുടങ്ങിയ അവശ്യ സാധനങ്ങളെല്ലാം മിതമായ നിരക്കില്‍ ഗ്രാൻഡ് എക്സ്പ്രസ് ഉപഭോക്താക്കളിലേക്ക് എത്തിക്കുമെന്നും മാനേജ്മെന്റ് വ്യക്തമാക്കി.. ലോകകപ്പിനോട് അനുബന്ധിച്ചുള്ള പ്രത്യേക സമ്മാനപദ്ധതികള്‍ പുതിയ ശാഖയിലും ലഭ്യമാണ്.
വരുന്ന ആറു മാസത്തിനുള്ളിൽ നാല് ഗ്രാൻഡ്ഹൈപ്പർമാർക്കറ്റുകൾ കൂടി ഖത്തറിൽ പ്രവർത്തനമാരംഭിക്കുമെന്ന് ഡോ. അൻവർ അമീൻ പറഞ്ഞു.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻhttps://chat.whatsapp.com/EbsrZk47eaBENKOhwtWeGf എന്ന ലിങ്കിൽ ജോയിൻ ചെയ്യുക.വീഡിയോകൾ കാണാൻ https://www.youtube.com/c/NewsRoomme സബ്സ്ക്രൈബ് ചെയ്യുക
