September 29, 2022
September 29, 2022
ന്യൂസ്‌റൂം ബ്യുറോ
ദോഹ: സെന്‍റര്‍ ഫോര്‍ ഇന്ത്യന്‍ കമ്യൂണിറ്റി (സി.ഐ.സി) വക്റ സോണ്‍, അലീവിയാ മെഡിക്കല്‍ സെന്ററുമായി സഹകരിച്ച്‌ സൗജന്യ മെഡിക്കല്‍ ക്യാമ്പ് സംഘടിപ്പിക്കുന്നു.
വെള്ളിയാഴ്ച മശാഫിലുള്ള അലീവിയാ മെഡിക്കല്‍ സെന്ററിൽ രാവിലെ ആറു മണി മുതല്‍ പത്തുമണി വരെ നടക്കുന്ന മെഡിക്കല്‍ ക്യാമ്പിൽ മുന്‍കൂട്ടി രജിസ്റ്റര്‍ ചെയ്തവര്‍ക്കാണ് പ്രവേശനം.അലീവിയ മെഡിക്കല്‍ സെന്ററിലെ 12ഓളം ഡോക്ടര്‍മാര്‍ക്കും പാരാമെഡിക്കല്‍ സ്റ്റാഫിനും പുറമെ വക്റ സി.ഐ.സിയുടെ 60ഓളം വളന്റിയര്‍മാരുടെ സേവനവും ക്യാമ്പിൽ ലഭ്യമായിരിക്കുമെന്ന് സംഘാടകർ വാർത്താസമ്മേളനത്തിൽ അറിയിച്ചു.
പ്രാഥമിക മെഡിക്കല്‍ പരിശോധനകള്‍ക്കുശേഷം വിദഗ്ധ പരിശോധന ആവശ്യമുള്ളവര്‍ക്ക് ജനറല്‍ മെഡിസിന്‍, ഒഫ്താല്‍മോളജി, ഡെന്റല്‍, ഇ.സി.ജി തുടങ്ങിയ വിഭാഗങ്ങളും ഉണ്ടായിരിക്കും. ആവശ്യമായ മരുന്നുകള്‍ സൗജന്യമായി ക്യാംപിൽ വിതരണം ചെയ്യും.
രാവിലെ ആറു മണിക്ക് ആരംഭിക്കുന്ന ക്യാമ്പിന്റെ ഔപചാരിക ഉദ്‌ഘാടനം 9 മണിക്ക് നിര്‍വഹിക്കും. സി.ഐ.സി പ്രവര്‍ത്തകര്‍ മുന്‍കൂട്ടി രജിസ്റ്റര്‍ ചെയ്യിച്ച കുറഞ്ഞ വരുമാനക്കാരും ആരോഗ്യ ഇന്‍ഷുറന്‍സ് ഇല്ലാത്തവരുമായ 500ലധികം ആളുകളാണ് സൗജന്യ മെഡിക്കല്‍ ക്യാമ്പിൽ പങ്കെടുക്കുക.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/HU1j0QE7i26GnMur8CmUvF എന്ന ലിങ്കിൽ ജോയിൻ ചെയ്യുക
