March 22, 2023
March 22, 2023
ന്യൂസ്റൂം ബ്യൂറോ
ദോഹ: ബി-റിങ് റോഡില്‍ ലുലു എക്സ്പ്രസിന് സമീപമുള്ള മന്‍സൂറയിലെ ഏഴുനില കെട്ടിടം തകര്‍ന്ന് നാല് പേര് കൊല്ലപ്പെട്ടതായും ഒന്‍പതുപേര്‍ക്ക് പരിക്കേറ്റതായും ഖത്തര്‍ ട്രിബ്യൂണ്‍ റിപ്പോര്‍ട്ട് ചെയ്തു. കെട്ടിടത്തിനുള്ളില്‍ ആരും കുടുങ്ങി കിടക്കുന്നില്ലെന്ന് ഉറപ്പാക്കുമെന്ന് ഖത്തര്‍ ആഭ്യന്തര മന്ത്രാലയം അറിയിച്ചു. അതേസമയം,അപകടത്തിൽ ഒരാൾ മാത്രമാണ് മരണപ്പെട്ടതെന്നും ഏഴ് പേരെ രക്ഷപ്പെടുത്തിയതായും ആഭ്യന്തര മന്ത്രാലയത്തെ ഉദ്ധരിച്ച് ദി പെനിൻസുല ഉൾപെടെയുള്ള പത്രങ്ങൾ റിപ്പോർട്ട് ചെയ്തു.
ബുധനാഴ്ച(ഇന്ന്) രാവിലെ 8നായിരുന്നു കെട്ടിടം തകര്‍ന്നതെന്ന് പേര് വെളിപ്പെടുത്താന്‍ തയ്യാറല്ലാത്ത താമസക്കാരനെ ഉദ്ധരിച്ച് 'ദി പെന്‍സുല' പത്രം റിപ്പോര്‍ട്ട് ചെയ്തു. റിപ്പോര്‍ട്ട് പ്രകാരം, ഇടക്കിടെ അറ്റകുറ്റ പണികള്‍ നടക്കാറുള്ള കെട്ടിടമാണ് നിലം പൊത്തിയത്. 20 വര്‍ഷം പഴക്കമുള്ള കെട്ടിടം തകര്‍ന്നതിന്റെ കാരണം അന്വേഷിച്ചു വരുകയാണെന്ന് പൊലീസ് മേധാവി പറഞ്ഞു.
സിവില്‍ ഡിഫന്‍സ്, ആംബുലന്‍സ്, പൊലീസ് ഉദ്യോഗസ്ഥര്‍ എന്നിവരുടെ നിയന്ത്രണത്തില്‍ രക്ഷാപ്രവര്‍ത്തനം നടക്കുകയാണ്.
പാകിസ്ഥാനി, ഈജിപ്ഷ്യന്‍, ഫിലിപ്പിനോ കുടുംബങ്ങളാണ് തകര്‍ന്ന കെട്ടിടത്തില്‍ താമസിച്ചിരുന്നത്.
ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക
https://chat.whatsapp.com/BA70KEJMeBmGW92ahNcBva
