March 15, 2023
March 15, 2023
ന്യൂസ്‌റൂം ബ്യുറോ
ദോഹ: ഫാറൂഖ് കോളേജിന്റെ പ്ലാറ്റിനം ജൂബിലിയോടനുബന്ധിച്ചു ഫോസ ഖത്തർ (ഫാറൂഖ് കോളേജ് ഓൾഡ് സ്റ്റുഡന്റ്സ് അസോസിയേഷൻ - ഖത്തർ ) ആസ്റ്റർ മെഡിക്കൽ സെന്ററുമായി സഹകരിച്ച് സൗജന്യ മെഡിക്കൽ ക്യാമ്പ് സംഘടിപ്പിച്ചു. 75 ദിവസം നീണ്ടു നിൽക്കുന്ന ആഘോഷ പരിപാടികളുടെ ഭാഗമായി സംഘടിപ്പിച്ച പരിപാടിയിൽ സമൂഹത്തിന്റെ വിവിധ തുറകളിലുള്ള 250 തിലധികം പേർ പങ്കെടുത്തു.
സാമൂഹിക ബോധവൽക്കരണ പരിപാടികളുടെ ഭാഗമായി ക്യാമ്പിനോടനുബന്ധിച്ച് ബേസിക് ലൈഫ് സപ്പോർട്ട് ട്രെയിനിങ് സെഷൻ ഒരുക്കിയിരുന്നു. ക്യാമ്പ് കോൺഫെഡറേഷൻ ഓഫ് അലുംനി അസോസിയേഷൻ ഖത്തർ പ്രസിഡന്റ് അബ്ദുൽ അസീസ് ചെവിടിക്കുന്നൻ ഉൽഘടനം ചെയ്തു. ബേസിക് ലൈഫ് സപ്പോർട്ട് ട്രെയിനിങ്, ഫോസ ഖത്തർ അംഗം കൂടിയായ ഡോക്ടർ അബ്ദുൽ വഹാബിന്റെ നേതൃത്വത്തിലുള്ള ഹമദ് ഹോസ്പിറ്റലിലെ പ്രമുഖ ഡോക്ടർമാരടങ്ങുന്ന സംഘമാണ് പരിപാടിക്ക് നേതൃത്വം നൽകിയത്.ബി.എൽഎസ് ട്രയിനിങ്ങിൽ പങ്കെടുത്തവർക്ക് സർട്ടിഫിക്കറ്റുകൾ നൽകി.
"ജീവിത ശൈലിയും രോഗങ്ങളും പ്രായോഗിക ധാരണകൾ" എന്ന വിഷയത്തിൽ റയാൻ ആസ്റ്റർ ക്ലിനിക്കിലെ ചീഫ് ഫിസിഷ്യനും ഫോസ അംഗവുമായ ഡോക്ടർ ശാക്കിർ ടി പി ക്ലാസെടുത്തു.ഡോ കുഞ്ഞാലി,ഡോ ഫസലുറഹ്മാൻ, ഡോ ജാഫർ, ഡോ സിൽമി
എന്നിവർ ക്യാമ്പിന് നേതൃത്വം നൽകി. BLS ന് ഡോ അബ്ദുൽ വഹാബിൻ്റെ കൂടെ ഡോ. സുജിത്ത്, ഡോ അബ്ദുൽ ഗഫൂർ എന്നിവരും പങ്കെടുത്തു..
ഫോസ സെക്രട്ടറി അജ്മൽ സ്വാഗതഭാഷണം നടത്തിയ യോഗത്തിൽ ഫോസ പ്രസിഡന്റ് അസ്‌കർ അധ്യക്ഷത വഹിച്ചു, പ്ളാറ്റിനം ഫൊസ്സ്റ്റാൾജിയ ഖത്തർ പ്രോഗ്രാം കമ്മറ്റി ചെയർമാൻ മഷ്ഹൂദ് വി സി ആമുഖ ഭാഷണം നിർവ്വഹിച്ചു. തൊയ്യിബ്, നൗഷാദ്, അഡ്വ ഇഖ്ബാൽ , അഡ്വ നൗഷാദ്, ഷഹീർ, മുനാസ്, അദീബ,ഫായിസ്, ഹിബ, ഹഫീസുല്ല കെ വി തുടങ്ങിയവർ നേതൃത്വം നൽകി.
ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/BA70KEJMeBmGW92ahNcBva
