September 18, 2022
September 18, 2022
ന്യൂസ്‌റൂം ബ്യുറോ
ദോഹ : ഔദ്യോഗിക ലൈസൻസുള്ള ഫിഫ ലോകകപ്പ് ഉൽപ്പന്നങ്ങൾ ഓർഡർ ചെയ്യാനും ഖത്തർ പോസ്റ്റിന്റെ ഇ-സ്റ്റോർ വഴി വീട്ടുവാതിൽക്കൽ എത്തിക്കാനും സൗകര്യമൊരുക്കിയതായി അധികൃതർ അറിയിച്ചു.ലോകകപ്പ് ചിഹ്നം പതിച്ച നോട്ട്ബുക്ക്, ട്രോഫി കാർഡ് ഹോൾഡർ, പ്ലേയിംഗ് കാർഡ്, ബോൾപെൻ, ട്രോഫി പേന, പേന ഹോൾഡർ, വാട്ടർ ബോട്ടിൽ, മഗ്, തെർമോ മഗ്, പൈന്റ് ഗ്ലാസ്, സ്റ്റിക്കർ, ട്രോഫി മാഗ്നറ്റുകൾ, പിൻ, കീചെയിൻ,ലോകകപ്പ്ട്രോ ഫിയുടെ ചെറുരൂപങ്ങൾ, കാറിൽ ഉപയോഗിക്കുന്ന പെർഫ്യൂം, സ്റ്റേഷനറി സെറ്റ്, സ്നോ ഗ്ലോബ് - തുടങ്ങിയ ഉൽപന്നങ്ങൾ ഇ-സ്റ്റോറിൽ ലഭ്യമാണ്.ഉൽപന്നങ്ങൾ വാങ്ങുന്നതിന് https://store.qatarpost.qa/webstore/ എന്ന വെബ്‌സൈറ്റ് സന്ദർശിക്കാം.
ലോകകപ്പിൽ മാറ്റുരക്കുന്ന 32 രാജ്യങ്ങളെയും പ്രതിനിധീകരിക്കുന്ന 32 വ്യക്തിഗത സ്റ്റാമ്പുകൾ ഉൾക്കൊള്ളുന്ന ഫിഫ ലോകകപ്പ് ഗ്രൂപ്പ് ടീം സ്റ്റാമ്പിന്റെ ഏഴാം പതിപ്പ് കഴിഞ്ഞ ആഴ്ച ഖത്തർ പോസ്റ്റ് പുറത്തിറക്കിയിരുന്നു.ഈ സ്റ്റാമ്പുകളും ഇ-സ്റ്റോറിൽ ലഭ്യമാക്കിയിട്ടുണ്ട്.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/CnQu0Sm89HsFGubs4fWsFe എന്ന ലിങ്കിൽ ജോയിൻ ചെയ്യുക
