January 25, 2023
January 25, 2023
ന്യൂസ്‌റൂം ബ്യുറോ
ദോഹ∙ ഫിഫ ലോകകപ്പിന്റെ വിജയത്തിനായി സുപ്രധാന പങ്കു വഹിച്ച സുപ്രീം കമ്മിറ്റി ഫോർ ഡെലിവറി ആൻഡ് ലെഗസി കമ്യൂണിക്കേഷൻസ്-മീഡിയ വിഭാഗം എക്‌സിക്യൂട്ടീവ് ഡയറക്ടർ ഫത്മ അൽ നുഐമിയ്ക്ക് ലോക വനിതാ ഹീറോ പുരസ്‌കാരം. സ്വിറ്റ്‌സർലൻഡിലെ ദാവൂസിൽ നടക്കുന്ന ലോക സാമ്പത്തിക ഫോറത്തിനിടെയാണ് ലോക വനിതാ ഫൗണ്ടേഷൻ അവരെ പുരസ്‌ക്കാരം നൽകി ആദരിച്ചത്.
ഫോറത്തിനിടെ നടന്ന ചടങ്ങിൽ ഫൗണ്ടേഷൻ സിഇഒയും സ്ഥാപകയുമായ രൂപ ഡാഷ് ഫത്മ അൽ നുഐമിയ്ക്ക് പുരസ്‌കാരം സമ്മാനിച്ചു.. ലിംഗസമത്വത്തെ പ്രോത്സാഹിപ്പിക്കുന്ന ലാഭേച്ഛ കൂടാതെ പ്രവർത്തിക്കുന്ന സംഘടനയാണ് ലോക വനിതാ ഫൗണ്ടേഷൻ.
ഫൗണ്ടേഷന്റെ പാനൽ ചർച്ചയിൽ രാജ്യത്തിന്റെ കായിക മേഖലയിൽ വനിതകൾക്ക് ഖത്തർ നൽകുന്ന മികച്ച അവസരങ്ങളെക്കുറിച്ചും സുപ്രീം കമ്മിറ്റിയുടെ ലെഗസി പദ്ധതിയായ ജനറേഷൻ അമേസിങ്ങ് ഫൗണ്ടേഷൻ പുതുതലമുറയിൽ ചെലുത്തിയ സ്വാധീനത്തെക്കുറിച്ചും അൽ നുഐമി പങ്കുവച്ചു.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/JSu55PzLuSjIOAiVOpZz2i എന്ന ലിങ്കിൽ ജോയിൻ ചെയ്യുക
