September 24, 2020
September 24, 2020
ദോഹ : പ്രവാസികളുടെ കൊറന്റൈൻ കാലാവധിയുമായി ബന്ധപ്പെട്ട് സമൂഹ മാധ്യമങ്ങളിൽ പ്രചരിക്കുന്ന സ്ഥിരീകരണമല്ലാത്ത വാർത്തകൾ ആശയക്കുഴപ്പമുണ്ടാക്കുന്നു.സംസ്ഥാനത്ത് കോവിഡ് നിയന്ത്രണങ്ങളിൽ കൂടുതൽ ഇളവുകൾ പ്രഖ്യാപിച്ച സാഹചര്യത്തിൽ വിദേശത്തു നിന്നും അന്യസംസ്ഥാനങ്ങളിൽ നിന്നും വരുന്നവർക്കുള്ള കൊറന്റൈൻ ഏഴ് ദിവസമായി കുറച്ചുവെന്ന തരത്തിലാണ് സമൂഹമാധ്യമങ്ങളിൽ വാർത്തകൾ പ്രചരിക്കുന്നത്.എന്നാൽ കേരളത്തിൽ എത്തിയ ശേഷം ഒരാഴഴ്ചക്കുള്ളിൽ റാപിഡ് കോവിഡ് പരിശോധന നടത്തി ഫലം നെഗറ്റിവ് ആകുന്നവർക്ക് മാത്രമാണ് ഈ ആനുകൂല്യമുള്ളതെന്ന് ആരോഗ്യമന്ത്രാലയം അറിയിച്ചു.
നാട്ടിലെത്തി തൊട്ടടുത്ത ദിവസങ്ങളിൽ തന്നെ കോവിഡ് പരിശോധന നടത്തി ഫലം നെഗറ്റിവ് ആയാൽ ഒരാഴ്ച കഴിഞ്ഞു ഇവർക്ക് പുറത്തിറങ്ങാനാവും.കോവിഡ് പരിശോധന നടത്തിയില്ലെങ്കിൽ പതിനാല് ദിവസം തന്നെ കൊറന്റൈനിൽ തുടരേണ്ടതാണ്.പരിശോധന നടത്തി ഫലം പോസറ്റിവ് ആണെങ്കിൽ ഐസൊലേഷനിലേക്ക് മാറ്റും.
വീട്ടിൽ പ്രത്യേകം ബാത് റൂം സൗകര്യങ്ങളോട് കൂടിയ മുറി ഉള്ളവർക്ക് മാത്രമാണ് ഹോം കൊറന്റൈൻ അനുവദിക്കുക.അല്ലാത്തവർക്ക് ഇൻസ്റ്റിറ്റിയൂഷണൽ കൊറന്റൈനോ സാമ്പത്തിക ശേഷിയുള്ളവർക്ക് ഹോട്ടൽ കൊറന്റൈനോ തെരഞ്ഞെടുക്കാവുന്നതാണ്.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200167 എന്ന വാട്സ്ആപ് നമ്പറിലേക്ക് സന്ദേശമയക്കുക
