August 23, 2022
August 23, 2022
ദോഹ : ലോകകപ്പിനായി ഖത്തറിലെത്തുന്ന നാട്ടുകാർക്ക് താമസിക്കാൻ ക്രൊയേഷ്യ ഒരുക്കുന്ന കപ്പൽ ഒക്ടോബറിൽ ദോഹയിലെത്തും.ലോകത്തിലെ ഏറ്റവും വലിയ ചതുരാകൃതിയിലുള്ള കപ്പലായ ഗോൾഡൻ ഹൊറൈസനാണ് ഇതിനായി സജ്ജീകരിച്ചിരിക്കുന്നത്.ക്രൊയേഷ്യൻ ബിസിനസ് കൗൺസിൽ ആണ് ഇക്കാര്യം അറിയിച്ചത്. 162 മീറ്റർ നീളവും 18.5 മീറ്റർ വീതിയുമുള്ള കപ്പൽ 1913 ൽ ആണ് നിർമിച്ചത്.
കത്താറയുടെ ഫത് അൽ ഖൈർ നൽകിയ പ്രചോദനമാണ് ഗോൾഡൻ ഹൊറൈസൻ കപ്പലിന്റെ വരവിന് പിന്നിലെന്ന് സിബിസി പ്രൊജക്ട് ഡയറക്ടർ ഒമർ സാകിറാജിക് അറിയിച്ചു.ടൂർണമെന്റിനിടെ രാജ്യത്തിന്റെ സംസ്‌കാരവും ടൂറിസവും പ്രോത്സാഹിപ്പിക്കാൻ കൂടി ലക്ഷ്യമാക്കിയാണ് ഇത്തരമൊരു നീക്കമെന്നും അദ്ദേഹം പറഞ്ഞു.
ലോകകപ്പിന്റെ പ്രചാരണവുമായി 2019ൽ കത്താറ കൾചറൽ വില്ലേജിന്റെ ഫത് അൽ ഖൈർ പരമ്പരാഗത പായ്ക്കപ്പൽ യാത്രാസംഘം ക്രൊയേഷ്യയിൽ എത്തിയിരുന്നു.
ലോകകപ്പ് കാണാൻ എത്തുന്ന ക്രൊയേഷ്യൻ ആരാധകർക്ക് ഹോട്ടൽ ഒഴിവാക്കി ദോഹയുടെ തീരത്ത് സ്വന്തം നാടിന്റെ കപ്പലിൽ തന്നെ താമസിക്കാൻ അവസരം ലഭിക്കും.
ന്യൂസ്‌റൂം വാർത്തകൾ മുടങ്ങാതെ ലഭിക്കാനും പരസ്യങ്ങൾ നൽകാനും ബന്ധപ്പെടുക : +974 33450597.ഫെയ്‌സ്ബുക്കിൽ വാർത്തകൾ ലഭിക്കാൻ https://www.facebook.com/groups/Newsroomcluഎന്നലിങ്കിൽ ജോയിൻ ചെയ്യുക
