June 29, 2020
June 29, 2020
ദോഹ: ഖത്തറിൽ രണ്ടാം ഘട്ട ഇളവുകൾ നടപ്പിലാകാനിരിക്കെ പൊതു, സ്വകാര്യ ചടങ്ങുകളിൽ ഒത്തുചേരുന്നവരുടെ പരമാവധി എണ്ണം പത്തിൽ നിന്ന് അഞ്ചായി ചുരുക്കി. സുപ്രിം കമ്മിറ്റി ഫോര്‍ ക്രൈസിസ് മാനേജ്‌മെന്റ് ആണ് ഇക്കാര്യം അറിയിച്ചത്.. മുന്‍കരുതലുകള്‍ പാലിക്കാതെയുള്ള സമ്പര്‍ക്കം മൂലം ഖത്തരികള്‍ക്കും പ്രൊഫഷനലുകളായ പ്രവാസികള്‍ക്കുമിടയിൽ കോവിഡ് വ്യാപനം വർധിക്കുന്നതായി കണ്ടെത്തിയ സാഹചര്യത്തിലാണ് നടപടി.കോവിഡ് നിയന്ത്രണങ്ങള്‍ നീക്കുന്നതിന്റെ രണ്ടാംഘട്ടം ജൂലൈ 1 മുതൽ തുടങ്ങാനിരിക്കെയാണ് പുതിയ തീരുമാനം.
നിയന്ത്രണങ്ങള്‍ നീക്കുന്നതിന്റെ ഒരു ഘട്ടത്തില്‍ നിന്ന് അടുത്ത ഘട്ടത്തിലേക്ക് നീങ്ങുന്നത് മുന്‍കരുതലുകള്‍ പാലിക്കാനുള്ള പൊതുജനങ്ങളുടെ സഹകരണത്തിന് അനുസരിച്ചാണെന്ന് സുപ്രിംകമ്മിറ്റി മുന്നറിയിപ്പ് നല്‍കി. പുറത്തു പോകുമ്പോള്‍ മാസ്ക് ധരിക്കുക, ഇഹ്തിറാസ് ആപ്പ് ഇന്‍സ്റ്റാള്‍ ചെയ്യുക, സാമൂഹിക അകലം പാലിക്കുക തുടങ്ങിയ നിർദേശങ്ങൾ കൃത്യമായി പാലിക്കണമെന്നും അധികൃതർ മുന്നറിയിപ്പ് നൽകി.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക
