October 18, 2022
October 18, 2022
ന്യൂസ്‌റൂം ബ്യുറോ
ദോഹ: ഫിഫ ലോകകപ്പ് നടക്കുന്ന വേളയിൽ ആരോഗ്യ സേവനങ്ങൾ നിയന്ത്രിക്കുന്നതിന്റെ ഭാഗമായി പ്രൈമറി ഹെൽത്ത് കെയർ കോർപ്പറേഷൻ (PHCC) 70 ശതമാനം കൺസൾട്ടേഷനുകളും ടെലിമെഡിസിൻ വഴിയാക്കുന്നു. 2022 നവംബർ 1 മുതൽ ഇത് പ്രാബല്യത്തിൽ വരും.
ലോകകപ്പിനായി രാജ്യത്തെത്തുന്ന സന്ദർശകരെ കൂടി പരിഗണിച്ച്, ഇ-സേവനങ്ങൾ, വെർച്വൽ ഓൺലൈൻ സെഷനുകൾ എന്നിവ വഴി ആരോഗ്യ കേന്ദ്രങ്ങളിലെ തിരക്ക് കുറക്കാൻ ലക്ഷ്യമാക്കിയാണ് നടപടി.
തടസ്സമില്ലാത്ത സേവനങ്ങൾ എല്ലാവർക്കും ലഭ്യമാക്കുന്നതിന് 2022 നവംബർ 1 മുതൽ 2022 ഡിസംബർ 22 വരെയുള്ള കാലയളവിൽ ഇനിപ്പറയുന്ന മാറ്റങ്ങൾ ശ്രദ്ധിക്കേണ്ടതാണ് :
- ഡോക്ടറുമായി നേരിട്ടുള്ള കൂടിക്കാഴ്ച ആവശ്യമില്ലാത്ത എല്ലാ അപ്പോയിന്റ്‌മെന്റുകളും വെർച്വൽ കൺസൾട്ടേഷനുകളായി ബുക്ക് ചെയ്യാവുന്നതാണ്.
-ഈ കാലയളവിലേക്ക് നേരത്തെ ബുക്ക് ചെയ്‌ത എല്ലാ അപ്പോയിന്റ്‌മെന്റുകളും PHCC വെർച്വൽ കൺസൾട്ടേഷനുകളിലേക്ക് മാറ്റിയ ശേഷം രോഗികൾക്ക് ഇതുസംബന്ധിച്ച അറിയിപ്പ് ലഭിക്കും.
-മരുന്നുകൾക്കും മറ്റ് രോഗപരിചരണ സാമഗ്രികൾക്കും ഫോൺ വഴി ഹോം ഡെലിവറിക്കായി ബുക് ചെയ്യാം.
-രോഗികൾക്കുള്ള സിക്ക് ലീവ് സർട്ടിഫിക്കറ്റുകൾ ഇലക്ട്രോണിക് സേവനമായ ഇ-ജസ വഴി ലഭിക്കും
-അപ്പോയിന്റ്‌മെന്റുകൾ, ഹെൽത്ത് കാർഡ്, ഫാമിലി ഫിസിഷ്യനെ മാറ്റുക, ഹെൽത്ത് സെന്റർ മാറ്റുക, ഹെൽത്ത് കാർഡ് പുതുക്കുക തുടങ്ങിയ സേവനങ്ങൾക്കായി ആരോഗ്യമന്ത്രാലയത്തിന്റെ നരാകോം മൊബൈൽ ആപ്ലിക്കേഷനിലും പിഎച്ച്സിസി വെബ്‌സൈറ്റിലും ലഭ്യമായ ഇ-സേവനങ്ങൾ ഉപയോഗിക്കേണ്ടതാണ്.
അതേസമയം,ഫാമിലി മെഡിസിൻ, പീഡിയാട്രിക്, ഡെന്റൽ നടപടിക്രമങ്ങൾ, ഇഎൻടി, ഡെർമറ്റോളജി, കാൻസർ സ്ക്രീനിംഗ്, ഒഫ്താൽമോളജി എന്നിവയ്‌ക്ക് ഇൻ-പേഴ്‌സൺ എമർജൻസി, വാക്ക്-ഇൻ സേവനങ്ങളും ലഭ്യമാകും. കൺസൾട്ടേഷനുകൾ/അപ്പോയ്‌മെന്റുകൾ എന്നിവയ്ക്കായി 16000 എന്ന കമ്മ്യൂണിറ്റി കോൾ സെന്റർ നമ്പറിൽ ബന്ധപ്പെടാവുന്നതാണ്.കോവിഡുമായി ബന്ധപ്പെട്ട അപ്പോയിന്റ്മെന്റ് ബുക്കിംഗിന് 40277077 എന്ന ഹോട്ലൈൻ നമ്പർ മാത്രമാണ് ഉപയോഗിക്കേണ്ടത്.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/KYKm2u8nQZBBNg2J0Y6mez എന്ന ലിങ്കിൽ ജോയിൻ ചെയ്യുക
