November 09, 2022
November 09, 2022
ന്യൂസ്‌റൂം ബ്യുറോ
ദോഹ : ഖത്തർ ലോകകപ്പിന്റെ ഓർമ്മകൾ എക്കാലവും ഓർമയായി സൂക്ഷിക്കാൻ ലോകകപ്പ് ആലേഖനം ചെയ്ത ഖത്തർ കറൻസികൾ സെൻട്രൽ ബാങ്ക് പുറത്തിറക്കി.22 ലോകകപ്പിന്റെ സ്മരണയ്ക്കായി 22 തുക രേഖപ്പെടുത്തിയ കറൻസിയാണ് ലഭ്യമാക്കിയത്.എന്നാൽ ഇത് സ്വന്തമാക്കാനുള്ള മതിപ്പ് വില 75 ഖത്തർ റിയാലായിരിക്കും.ഇതോടൊപ്പം നാണയങ്ങളും പുറത്തിറക്കിയിട്ടുണ്ട്.
രാജ്യത്തെ ധനകാര്യ സ്ഥാപനങ്ങൾ,ബാങ്കുകൾ,മണി എക്സ്ചേഞ്ചുകൾ എന്നിവയിൽ ഉടൻ തന്നെ കറൻസികൾ ലഭ്യമായി തുടങ്ങുമെന്നാണ് വിവരം.
ലോകകപ്പ് ട്രോഫിയും ഖത്തർ 2022 ലോഗോയും ഉള്ള കറൻസിയിൽ ഒരു വശത്ത് ലുസൈൽ സ്റ്റേഡിയത്തിന്റെ ചിത്രവും മറുവശത്ത് അൽ ബെയ്ത് സ്റ്റേഡിയത്തിന്റെ ചിത്രവും ആലേഖനം ചെയ്തിട്ടുണ്ട്.രാജ്യത്തെ ഫുട്ബോളിന്റെ ചരിത്രം പ്രതിഫലിപ്പിക്കുന്ന തരത്തിലാണ് സ്മാരക കറൻസി ഡിസൈൻ ചെയ്തിരിക്കുന്നത്.സാധാരണ നിലയിലുള്ള വിനിമയങ്ങൾക്ക് ഉപയോഗിക്കാൻ കഴിയാത്ത പുതിയ കറൻസികൾ ലോകകപ്പിന്റെ സ്മരണയ്ക്കായി വാങ്ങി സൂക്ഷിക്കാവുന്നതാണ്.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/EbsrZk47eaBENKOhwtWeGf എന്ന ലിങ്കിൽ ജോയിൻ ചെയ്യുക
