June 16, 2021
June 16, 2021
ദോഹ : കോഴിക്കോട് ജില്ലയിലെ ചേന്ദമംഗല്ലൂർ ഗ്രാമത്തിൽ നിന്നുള്ള എല്ലാ പ്രവാസികളെയും പ്രവാസി കൂട്ടായ്മകളെയും ഉൾക്കൊണ്ട് പ്രവാസി ക്ഷേമം ലക്ഷ്യം വെച്ച് പുതുതായി രൂപീകരിച്ച എക്സ്പ്ലോർ (XPLR) എന്ന വേദിയുടെ ഔദ്യോഗിക ഉൽഘാടനം ജൂൺ 18 വെള്ളിയാഴ്ച ഇന്ത്യൻ സമയം വൈകുന്നേരം 4:30 ന് സൂം പ്ലാറ്റ്ഫോമിൽ നടക്കും .
യു.എ.ഇ, ഖത്തർ, സൗദി അറേബ്യ, കുവൈത്ത്, ബഹറൈൻ , ഒമാൻ, കാനഡ, അമേരിക്ക, ആസ്‌ത്രേലിയ, ജപ്പാൻ, ജർമനി, മലേഷ്യ എന്നീ രാജ്യങ്ങളിലുള്ള, ആയിരത്തിലേറെ വരുന്ന ചേന്ദമംഗല്ലൂർ സ്വദേശികളാണ് എക്സ്പ്ലോർ സമിതിയുടെ കുടക്കീഴിൽ വരുന്നത്.
പരിപാടിയിൽ ഗോപിനാഥ് മുതുകാട് മുഖ്യാതിഥിയായി പങ്കെടുക്കും. മുഖ്യമന്ത്രി പിണറായി വിജയൻ ,നോർക്ക റൂട്സ് സി.ഇ.ഒ. ഹരികൃഷ്ണൻ നമ്പൂതിരി, തിരുവമ്പാടിഎം.എൽ.എ ലിന്റോ ജോസഫ് , മുക്കം നഗരസഭാ ചെയർമാൻ .ടി.പി. ബാബു, ചേന്ദമംഗല്ലൂരിലെ ആദ്യകാല പ്രവാസികളായ സി.ടി. അബ്ദുറഹീം, ഒ അബ്ദുറഹ്മാൻ തുടങ്ങിയവർ ആശംസകൾ നേരും..ഉത്ഘാടന പരിപാടിയിലേക്ക് എല്ലാ ചേന്ദമംഗല്ലൂർ നിവാസികളെയും പ്രവാസികളെയും ക്ഷണിക്കുന്നതായി സംഘാടകർ അറിയിച്ചു.
