January 31, 2023
January 31, 2023
ന്യൂസ്‌റൂം ബ്യുറോ
ദോഹ : 2022 ഫിഫ ലോകകപ്പിനായി ഇറാൻ ദേശീയ ടീമിനെ നയിച്ച കാർലോസ് ക്വിറോസ് ഖത്തറിന്റെ പുതിയ പരിശീലകനായേക്കും.പോർച്ചുഗീസ് വാർത്താ വെബ്‌സൈറ്റായ ഡിഎൻ ആണ് ഇക്കാര്യം റിപ്പോർട്ട് ചെയ്തത്.കരാർ ഒപ്പിടുന്നതിനായി പോർച്ചുഗീസ് പരിശീലകനായ കാർലോസ് ക്വിറോസ് ഉടൻ ദോഹയിലേക്ക് യാത്ര തിരിക്കുമെന്നും ഔദ്യോഗിക പ്രഖ്യാപനം ഉടൻ ഉണ്ടായേക്കുമെന്നും റിപ്പോർട്ടിൽ പറയുന്നു.വിദേശ ടീമുകളെ നയിക്കുന്ന ഏഴ് പോർച്ചുഗീസ് പരിശീലകരിൽ ഒരാളാണ് 69 കാരനായ ക്യുറോസ്.
ഫെർണാണ്ടോ സാന്റോസ് (പോളണ്ട്), റൂയി വിറ്റോറിയ (ഈജിപ്ത്), പെഡ്രോ ഗോൺസാൽവ്സ് (അംഗോള), പൗലോ ഡുവാർട്ടെ (ടോഗോ), ഹീലിയോ സൗസ (ബഹ്‌റൈൻ), ജോസ് പെസീറോ (നൈജീരിയ) എന്നിവരാണ് പട്ടികയിലുള്ളത്.
ഏഷ്യാകപ്പിൽ ഖത്തറിന് ചാമ്പ്യൻപട്ടം നേടിക്കൊടുത്ത ഫെലിക്‌സ് സാഞ്ചസ് സ്ഥാനമൊഴിഞ്ഞതിന് ശേഷം ബ്രൂണോ മിഗ്വൽ പിൻഹീറോ താൽകാലിക പരിശീലകനായി ചുമതലയേറ്റിരുന്നു.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/CZ8evyItpDFGmuyTIzjnaL എന്ന ലിങ്കിൽ ജോയിൻ ചെയ്യുക
