September 24, 2022
September 24, 2022
അൻവർ പാലേരി
ദോഹ :ഖത്തർ ലോകകപ്പിനുള്ള തയാറെടുപ്പിന്റെ ഭാഗമായി ഓസ്ട്രിയയിലെ വിയന്നയിലെ ഫ്രാൻസ് ഹോർ സ്റ്റേഡിയത്തിൽ വെള്ളിയാഴ്ച നടന്ന അന്താരാഷ്ട്ര സൗഹൃദ മത്സരത്തിൽ കാനഡ 2-0 ന് ഖത്തറിനെ പരാജയപ്പെടുത്തി. ആദ്യ 13 മിനിറ്റിനുള്ളിലാണ് കാനഡയുടെ രണ്ട് ഗോളുകളും ഗോൾവലയിലെത്തിയത്.
സ്വന്തം മണ്ണിൽ നടക്കുന്ന ലോകകപ്പിനുള്ള തീവ്രപരിശീലനത്തിടെ,തങ്ങളുടെ മികച്ച പ്രകടനം പുറത്തെടുക്കാൻ ലക്ഷ്യമാക്കിയാണ് ഖത്തർ ദേശീയ ടീം കളിക്കളത്തിൽ ഇറങ്ങിയത്.എന്നാൽ ഏഷ്യൻ ചാമ്പ്യന്മാരെ വീറോടെ നേരിട്ട കനഡക്ക് മുന്നിൽ അൽ അന്നാബിക്ക് അടിപതറുകയായിരുന്നു.
ഫിഫ റാങ്കിങ്ങിൽ 43-ാം സ്ഥാനത്തുള്ള കനഡ റാങ്കിങ്ങിൽ നിലവിലെ ഏഷ്യൻ ചാമ്പ്യന്മാരേക്കാൾ അഞ്ച് സ്ഥാനങ്ങൾ മുകളിലാണ്. നാലാം മിനിറ്റിൽ തന്നെ സൈൽ ലാറിൻ ലീഡ് നൽകിയതോടെ മികച്ച തുടക്കമാണ് കനഡക്ക് ലഭിച്ചത്.തുടക്കത്തിലെ ആദ്യ ഗോളിന്റെ പ്രഹരത്തിന് ശേഷം ഖത്തർ കരുത്തുകാട്ടാൻ ശ്രമിച്ചെങ്കിലും 13-ാം മിനിറ്റിൽ വീണ്ടും ജോനാഥൻ ഡേവിഡ് ഖത്തറിന്റെ ഗോൾവലയിലേക്ക് ഇടിച്ചുകയറുകയായിരുന്നു.
സൗഹൃദ മത്സരങ്ങൾക്ക് ശേഷം, ഖത്തർ ടീം ചെറിയ ഇടവേളയിൽ നാട്ടിലേക്ക് മടങ്ങുകയും ഒക്ടോബർ 2 ന് ഒരു തുറന്ന പരിശീലന സെഷനു ശേഷം വീണ്ടും സ്പെയിനിലേക്ക് മടങ്ങുകയും ചെയ്യും.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻhttps://chat.whatsapp.com/HU1j0QE7i26GnMur8CmUvF എന്ന ലിങ്കിൽ ജോയിൻ ചെയ്യുക