March 02, 2023
March 02, 2023
ന്യൂസ്‌റൂം ബ്യുറോ
ദോഹ :ഖത്തറിന്റെ മാനത്ത് ഇന്ന് രാത്രി വാനക്കാഴ്ചയുടെ അപൂർവ സംഗമം.സൗരയൂഥത്തിലെ ഏറ്റവും തിളക്കമുള്ള രണ്ട് ഗ്രഹങ്ങൾ അടുത്തടുത്തായി പ്രത്യക്ഷപ്പെടുന്ന അപൂർവ കാഴ്ചക്കാണ് വ്യാഴാഴ്ച രാജ്യം സാക്ഷ്യം വഹിക്കുക.സൂര്യ പരിവേഷത്തിൽ നിന്നു വളരെഅകലെയായതിനാൽ മഴമേഘങ്ങൾ ഇല്ലെങ്കിൽ ഏറെനേരം ഈ കാഴ്ച ആ സ്വദിക്കാം. വെറും കണ്ണുകൊണ്ടു തന്നെ വളരെ മനോഹരമായി കാണാവുന്ന ഈ ദൃശ്യം അല്പം ശക്തികൂടിയ ഒരു മൊബൈൽ ക്യാമറയിൽ പോലും പകർത്താം. എന്നാൽ ഗ്രഹങ്ങളെ വിശദമായി കാണാൻ ടെലിസ്കോപ്പ് തന്നെ ഉപയോഗിക്കേണ്ടി വരും. ഗ്രഹങ്ങളുടെ സ്ഥാന മാറ്റം കൊണ്ട് ഭൂമിയിൽ നിന്നുള്ള ഒരു കാഴ്ച മാത്രമാണ് ഈ ഗ്രഹസംഗമം
യഥാർത്ഥത്തിൽ രണ്ട് ഗ്രഹങ്ങളും 600 ദശലക്ഷം കിലോമീറ്റർ അല്ലെങ്കിൽ 400 ദശലക്ഷം മൈൽ അകലെയാണെങ്കിലും ഭൂമിയിൽ നിന്നുള്ള ആകാശക്കാഴ്ചയിൽ അടുത്തടുത്തായി സ്ഥിതി ചെയ്യുന്നതായാണ് അനുഭവപ്പെടുക.
ആകാശത്തെ ഈ വിസ്മയക്കാഴ്ചയ്ക്ക് സാക്ഷ്യം വഹിക്കാനും ആസ്വദിക്കാനും ആഗ്രഹിക്കുന്നവർക്കായി,ഖത്തറിലെ പ്രമുഖ ആസ്ട്രോഫോട്ടോഗ്രാഫർ അജിത് എവറസ്റ്റർ പൊതുജനങ്ങൾക്കായി സൗകര്യം ഒരുക്കുന്നുണ്ട്.ആദ്യ 50 പേർക്കാണ് അവസരം.
ഗ്രഹങ്ങളെ നോക്കാൻ ഏറ്റവും അനുയോജ്യമായ സമയം നാളെ വൈകുന്നേരം 6 മുതൽ 7:30 വരെയാണെന്ന് അജിത് എവറസ്റ്റർ പറഞ്ഞു.
പങ്കെടുക്കാൻ താൽപ്പര്യമുള്ള വർക്ക് 5548 2045 എന്ന നമ്പറിൽ അജിത്തുമായി ബന്ധപ്പെടാവുന്നതാണ്.
വാർത്തകൾ ലഭിക്കാൻ നിലവിൽ ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/LiM4EdDAtkTAmYRCb0LMz9
