September 01, 2019
September 01, 2019
ജനീവ : ആരെയും സ്വദേശമില്ലാത്തവരാക്കി മാറ്റുന്നില്ലെന്ന് ഉറപ്പ് വരുത്തണമെന്ന് ഐക്യരാഷ്ട്ര സഭയുടെ കുടിയേറ്റകാര്യവിഭാഗം മേധാവി ഫിലിപ്പോ ഗ്രന്റി ആവശ്യപ്പെട്ടു. ഇന്ന് ജനീവയിൽ അസം പൗരത്വ രജിസ്റ്റര്‍ പട്ടികയുമായി ബന്ധപ്പെട്ട് സംസാരിക്കുകയായിരുതിനിടെയാണ് അസം വിഷയത്തിലുള്ള തന്റെ ആശങ്ക അദ്ദേഹം പങ്കുവച്ചത്.
19 ലക്ഷത്തോളം പേരെ ഒറ്റയടിക്ക് സ്വദേശമില്ലാത്തവരാക്കിയാല്‍ അഭയാർത്ഥികളെ ഇല്ലാതാക്കാനുള്ള യു.എന്നിന്റെ ശ്രമങ്ങള്‍ക്ക് അത് തിരിച്ചടിയാകുമെന്നും അദ്ദേഹം ഒര്‍മ്മിപ്പിച്ചു. പുറത്താക്കപ്പെട്ടവര്‍ക്ക് അവരുടെ ഭാഗം കേള്‍ക്കാന്‍ കൃത്യവും നീതിയുക്തവുമായ നിയമസഹായം ലഭ്യമാക്കണമെന്നും ഗ്രാന്‍ഡി പറഞ്ഞു.
