October 23, 2022
October 23, 2022
ന്യൂസ്‌റൂം സ്പോർട്സ് ഡെസ്ക്
ദോഹ :ഖത്തർ ലോകകപ്പിന് ദിവസങ്ങൾ മാത്രം അവശേഷിക്കെ,ലയണൽ മെസ്സിയുടെ ചില അഭിപ്രായപ്രകടനങ്ങൾ ഫുട്‍ബോൾ ലോകത്ത് ചർച്ചയാവുകയാണ്.ഖത്തറിൽ വിജയസാധ്യതയുള്ള ടീമുകളുടെ പേരുകൾ ഈയിടെ മെസ്സി പറഞ്ഞിരുന്നു.ബ്രസീലും ഫ്രാൻസുമാണ് ഖത്തർ ലോകകപ്പിൽ ഏറ്റവും വിജയസാധ്യതയുള്ള ടീമുകൾ എന്നാണ് അർജന്റീനയുടെ ഇതിഹാസ താരം ഒരു അഭിമുഖത്തിനിടെ പറഞ്ഞത്.ജർമനിയും ഇംഗ്ലണ്ടും സ്പെയിനുമാണ് താരം വിജയ സാധ്യത കൽപിക്കുന്ന മറ്റു മൂന്ന് ടീമുകൾ.
എന്നാൽ താരത്തിന്റെ പ്രവചനത്തിന് പിന്നാലെ അർജന്റീനൻ സൂപ്പർ താരം ലൗറ്റെറോ മാർട്ടിനസ് പ്രതികരണവുമായി എത്തി.ഖത്തറിൽ അർജന്റീനയും ഫേവറേറ്റുകളാണെന്നാണ് മാർട്ടിനസ് പറഞ്ഞത്.കഴിഞ്ഞ മുപ്പതിലധികം മത്സരങ്ങളിൽ ഒന്നിൽ പോലും തങ്ങൾ തോറ്റിട്ടില്ലെന്നും യൂറോപ്യൻ ടീമുകൾക്കെതിരെ തങ്ങൾ കരുത്ത് തെളിയിച്ചിട്ടുണ്ടെന്നും മാർട്ടിനസ് പറഞ്ഞു.
അർജന്റീനക്ക് വേണ്ടി ലോകകപ്പ് കളിക്കാനിരിക്കുന്ന ഏഞ്ചൽ ഡി മരിയയെയും പൗലോ ഡിബാലയെയും ബന്ധപ്പെട്ടിരുന്നുവെന്നും രണ്ടാഴ്ചക്കകം ഇരുവരും പൂർവാധികം ശക്തിയോടെ തിരിച്ചുവരുമെന്നും അദ്ദേഹം പ്രത്യാശ പ്രകടിപ്പിച്ചു.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/KYKm2u8nQZBBNg2J0Y6mez എന്ന ലിങ്കിൽ ജോയിൻ ചെയ്യുക.വീഡിയോകൾ കാണാൻ https://www.youtube.com/c/NewsRoomme സബ്സ്ക്രൈബ് ചെയ്യുക
