December 17, 2022
December 17, 2022
ന്യൂസ്‌റൂം ബ്യുറോ / ഫോട്ടോ :അൽ ജസീറ
ദോഹ : 88,000 പേരെ ഉൾക്കൊള്ളുന്ന ലുസൈൽ സ്റ്റേഡിയത്തിൽ ഞായറാഴ്ച നടക്കുന്ന ലോകകപ്പ് 2022 ഫൈനലിനുള്ള ടിക്കറ്റുകൾ ലഭിക്കുമെന്ന പ്രതീക്ഷയോടെ നൂറുകണക്കിന് അർജന്റീനൻ ഫുട്ബോൾ ആരാധകർ ഫിഫയുടെ പ്രധാന ടിക്കറ്റിംഗ് ഓഫീസിന് പുറത്ത് തടിച്ചുകൂടി.ഫിഫയുടെ ഔദ്യോഗിക വിൽപ്പന, പുനർവിൽപ്പന പ്ലാറ്റ്‌ഫോമുകളിൽ ടിക്കറ്റ് ലഭ്യമല്ലാത്തതിൽ മിക്ക ആരാധകരും കടുത്ത നിരാശയിലും പ്രതിഷേധത്തിലുമാണ്.
"ബ്രസീൽ, പോർച്ചുഗൽ, മൊറോക്കോ ടീമുകൾ ഫൈനലിലെത്താതെ മടങ്ങിയതിനാൽ തുടർന്നുള്ള മത്സരങ്ങൾ ഉപേക്ഷിച്ചവരുടെ നിരവധി ടിക്കറ്റുകൾ ബാക്കിയുണ്ടാവുമെന്ന് ഞങ്ങൾക്കറിയാം.എന്നാൽ ആ ടിക്കറ്റുകളൊക്കെ എവിടേക്കാണ് പോയതെന്ന് ഞങ്ങൾക്ക് മനസിലാകുന്നില്ല," അർജന്റീനിയൻ ആരാധകനായ മത്തിയാസ് ടിക്കറ്റിങ് ഓഫീസിനു പുറത്ത് അൽ ജസീറ ചാനലിനോട് പറഞ്ഞു.
ഇതിനിടെ,അര്ജന്റീന ഫുട്ബോൾ അസോസിയേഷൻ പ്രതിനിധികൾ താമസിക്കുന്ന ഹോട്ടലിന് പുറത്താണ് തുടർച്ചയായ രണ്ടാം ദിവസവും അർജന്റീനയിൽ നിന്ന് വന്ന ആരാധകർ പ്രതിഷേധിച്ചതായി എ.എഫ്.പി റിപ്പോർട്ട് ചെയ്തു.
ബ്ലാക്ക് മാർകെറ്റിൽ ടിക്കറ്റിന് ചുരുങ്ങിയത് 4,000 ഡോളർ നല്കണമെന്നും അവർ പറഞ്ഞു. ടിക്കറ്റ് ലഭിക്കാൻ അര്ജന്റീന ഫുട്ബോൾ അസോസിയേഷൻ ഇടപെടണമെന്നാണ് അവരുടെ ആവശ്യം.ഫൈനൽ മത്സരം കാണാൻ ഫ്രാൻ‌സിൽ നിന്നും അര്ജന്റീനയിൽ നിന്നും പ്രതീക്ഷിച്ചതിലും കൂടുതൽ ആരാധകർ എത്തിയതാണ് വിവരം.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/GNnAPz2ISv601MKXQvNitL എന്ന ലിങ്കിൽ ജോയിൻ ചെയ്യുക
