January 11, 2023
January 11, 2023
ന്യൂസ്‌റൂം ബ്യുറോ
ബസ്ര : ഇറാഖി നഗരമായ ബസ്രയിൽ ഇന്നലെ നടന്ന അറേബ്യൻ ഗൾഫ് കപ്പിൽ ഖത്തറിനെതിരെ ബഹ്റൈന് ജയം.ഒന്നിനെതിരെ രണ്ടു ഗോളുകൾക്കാണ് ബഹ്‌റൈൻ ഖത്തറിനെ തളച്ചത്.മുപ്പത്തിനാലാം മിനുട്ടിൽ ഖത്തറിനായി അഹമ്മദ് അലാ അൽദീൻ ആദ്യ ഗോൾ നേടി മേധാവിത്തം നിലനിർത്തിയപ്പോൾ എഴുപത്തിരണ്ടാം മിനുട്ടിൽ മുഹമ്മദ് വാദും 89 ആം മിനുട്ടിൽ അബ്ദുല്ല യൂസഫ് ഹലാലും ഖത്തറിന്റെ ഗോൾ വല വിറപ്പിച്ച് മത്സരം വരുതിയിലാക്കി.
നിലവിലെ ചാമ്പ്യന്മാരായ ബഹ്‌റൈൻ ആദ്യ മൽസരത്തിൽ ഒന്നിനെതിരെ രണ്ട് ഗോളുകൾക്ക് യു.എ.ഇയെ പരാജയപ്പെടുത്തിയിരുന്നു.ഇന്നലെ നടന്ന മറ്റൊരു മത്സരത്തിൽ എതിരില്ലാത്ത ഒരു ഗോളിന് കുവൈത്ത് യു.എ.ഇയെ പരാജയപ്പെടുത്തി.
വെള്ളിയാഴ്ച യു.എ.ഇക്കെതിരെയാണ് ആദ്യ റൗണ്ടിലെ ഖത്തറിന്റെ അവസാന മത്സരം.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/B5cRGSkveuO5fUeQTErqlq എന്ന ലിങ്കിൽ ജോയിൻ ചെയ്യുക
