December 18, 2022
December 18, 2022
ന്യൂസ്‌റൂം ബ്യുറോ
ദോഹ :വിവിധ രാജ്യങ്ങളിൽ നിന്നായി ഖത്തർ ലോകകപ്പ് കാണാനെത്തിയ അഭയാർത്ഥികളായ വിദ്യാർത്ഥികളുമായി ഖത്തർ അമീർ ശൈഖ് തമീം ബിൻ ഹമദ് അൽതാനി കൂടിക്കാഴ്ച നടത്തി. 'ഫിഫ ഖത്തർ 2022 ഫോർ ഓൾ' എന്ന പ്രോജക്ടിന്റെ ഭാഗമായി ഖലീഫ ഇന്റർനാഷണൽ സ്റ്റേഡിയത്തിൽ സംഘടിപ്പിച്ച ചടങ്ങിൽ ഇഷ്ട ടീമുകളെക്കുറിച്ചും ഫിഫ ലോകകപ്പ് സംഘാടനത്തെ കുറിച്ചുമെല്ലാമുള്ള തങ്ങളുടെ അഭിപ്രായങ്ങൾ വിദ്യാർഥികൾ അമീറുമായി പങ്കുവെച്ചു.
പലസ്തീൻ, ജോർദാൻ, സുഡാൻ, ഇറാഖ്, ലെബനൻ, യെമൻ, തുർക്കി, ബംഗ്ലാദേശ് തുടങ്ങി നിരവധി രാജ്യങ്ങളിൽ നിന്നുള്ള അഭയാർഥികളെയും കുടിയിറക്കപ്പെട്ടവരെയും ചേർത്ത് പിടിച്ച് അവരെക്കൂടി ലോകക്കപ്പ് സന്തോഷത്തിൽ പങ്കാളികളാക്കുന്ന പദ്ധതിയാണ് 'ഫിഫ ഖത്തർ 2022 ഫോർ ഓൾ'. മത്സരങ്ങൾ ആസ്വദിക്കാനായി സ്ഥാപിച്ച ഫാൻ സോണുകളിൽ അഭയാർത്ഥികൾക്കും കുടിയിറക്കപ്പെട്ടവർക്കും പ്രത്യേക പരിഗണന രാജ്യം നൽകിയിരുന്നു.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻhttps://chat.whatsapp.com/GNnAPz2ISv601MKXQvNitL എന്ന ലിങ്കിൽ ജോയിൻ ചെയ്യുക
