April 29, 2023
April 29, 2023
ന്യൂസ്‌റൂം ബ്യുറോ
ദോഹ : അമീർ കപ്പ് ഫുട്ബോൾ ഫൈനൽ മത്സരത്തിനുള്ള ടിക്കറ്റ് വിൽപന ആരംഭിച്ചതായി ഖത്തർ ഫുട്ബോൾ അസോസിയേഷൻ (ക്യുഎഫ്‌എ) അറിയിച്ചു.മെയ് 12 ന് വൈകുന്നേരം 7:00 മണിക്ക് അഹ്മദ് ബിൻ അലി സ്റ്റേഡിയത്തിൽ അൽ സദ്ദും അൽ അറബിയും തമ്മിലാണ് ഫൈനലിൽ ഏറ്റുമുട്ടുക.
10, 30, 50 ഖത്തർ റിയാലാണ് ടിക്കറ്റ് നിരക്ക്. tickets.qfa.qa എന്ന വെബ്‌സൈറ്റ് വഴി ഒരാൾക്ക് പരമാവധി 6 ടിക്കറ്റുകൾ വരെ വാങ്ങാമെന്നും ക്യൂ.എഫ്.എ അറിയിച്ചു. ഉയർന്ന ഡിമാൻഡ് കണക്കിലെടുത്ത് എത്രയും വേഗം ടിക്കറ്റ് ഉറപ്പുവരുത്തണമെന്ന് ക്യുഎഫ്എയുടെ മാർക്കറ്റിംഗ് ആൻഡ് കമ്മ്യൂണിക്കേഷൻസ് ഡയറക്ടർ ഖാലിദ് മുബാറക് അൽ കുവാരി ആരാധകരോട് ആവശ്യപ്പെട്ടു.ഇരു ക്ളബ്ബുകളുടെയും ആരാധകർക്ക് ദോഹയിലുടനീളമുള്ള നിശ്ചിത സെയിൽസ് ഔട്ട്‌ലെറ്റുകൾ വഴി ടിക്കറ്റുകൾ ലഭ്യമാക്കാനുള്ള സാധ്യതകൾ പരിശോധിച്ചുവരികയാണെന്നും സൗകര്യം ഒരുക്കും. ഇതിനായി പ്രത്യേകം കിയോസ്‌കുകൾ തുറക്കുമെന്നും സംഘാടകർ അറിയിച്ചു.
ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/KIGk615xlF1ILlMGxpUXqI
