February 03, 2023
February 03, 2023
ന്യൂസ്‌റൂം ബ്യുറോ
ദോഹ: ലുസൈൽ വിന്റർ വണ്ടർലാൻഡിലെയും അൽ മഹാ ദ്വീപിലെ റെസ്റ്റോറന്റുകളിലെയും അതിഥികൾക്കുള്ള കാർ പ്രവേശന ഫീസ് ഒഴിവാക്കി.അൽ മഹാ ഐലൻഡിന്റെ ഔദ്യോഗിക സോഷ്യൽ മീഡിയ പ്ലാറ്റ്‌ഫോമിൽ പ്രസിദ്ധീകരിച്ച അറിയിപ്പിലാണ് ഇക്കാര്യം അറിയിച്ചത്.
"ലുസൈൽ വിന്റർ വണ്ടർലാൻഡിലെയും അൽ മഹാ ഐലൻഡ് റെസ്റ്റോറന്റുകളിലെയും അതിഥികൾക്ക് എല്ലാ സീസണിലും സൗജന്യ കാർ പ്രവേശനം അനുവദിക്കുമെന്നാണ്" ഇൻസ്റ്റഗ്രാം പോസ്റ്റിൽ വ്യക്തമാക്കിയിരിക്കുന്നത്.
അതേസമയം, പ്രവേശന ഫീസ് ഒഴിവാകുന്നതിന് സന്ദർശകർ റെസ്റ്റോറന്റുകളിൽ നിന്നോ ലുസൈൽ വിന്റർ വണ്ടർലാൻഡിൽ നിന്നോ പാർക്കിംഗ് ടിക്കറ്റുകൾ സ്റ്റാമ്പ് ചെയ്തുവാങ്ങിയിരിക്കണമെന്നും അറിയിപ്പിൽ വ്യക്തമാക്കിയിട്ടുണ്ട്.
രാജ്യത്തെ ഏറ്റവും പുതിയ വിനോദ സഞ്ചാര കേന്ദ്രമാണ് കഴിഞ്ഞ വർഷം ഉദ്ഘാടനം ചെയ്ത അൽ മഹാ ദ്വീപ്.100,000 ചതുരശ്ര മീറ്റർ അത്യാധുനിക തീം പാർക്ക്, ലുസൈൽ വിന്റർ വണ്ടർലാൻഡ്, നമ്മോസ് ബീച്ച് ക്ലബ്, ഹൈ-എൻഡ് ഡൈനിംഗ് സ്പോട്ടുകൾ എന്നിവയാണ് പ്രധാന ആകർഷണം.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/CZ8evyItpDFGmuyTIzjnaL എന്ന ലിങ്കിൽ ജോയിൻ ചെയ്യുക
