August 06, 2020
August 06, 2020
ദോഹ : ഖത്തര്‍ പൊതുജനാരോഗ്യ മന്ത്രാലയത്തിന്റെ കൊവിഡ് പ്രോട്ടോക്കോള്‍ പ്രകാരമുള്ള സുരക്ഷാ നിർദേശങ്ങൾ പാലിക്കാത്തതിന് അല്‍സദ്ദ് ഫുട്‌ബോള്‍ ക്ലബ് പരിശീലകനും സ്പാനിഷ് താരവുമായ സാവി ഹെര്‍ണാണ്ടസിന് 10,000 റിയാല്‍ പിഴ ചുമത്തി. സാവിയോടൊപ്പം ഏതാനും മുൻ നിര താരങ്ങൾക്കെതിരെയും നടപടിയെടുത്തിട്ടുണ്ട്. അൽ സദ്ദ് താരങ്ങളായ ഹമ്മം അൽ അമിൻ, അബ്ദുൾ കരീം ഹസ്സൻ, മറ്റ് ക്യുഎൻ‌ബി സ്റ്റാർസ് ലീഗ് ടീം അംഗങ്ങൾ എന്നിവർക്കും ശാസന നൽകി. ഖത്തര്‍ ട്രിബ്യൂണ്‍ പത്രമാണ് ഇക്കാര്യം റിപ്പോര്‍ട്ട് ചെയ്തത്.
തനിക്ക് കോവിഡ് സ്ഥിരീകരിച്ചതായി ജൂലൈ അവസാനം സാവി ട്വീറ്റ് ചെയ്തിരുന്നു.
എന്നാല്‍ ഏതാനം ദിവസങ്ങള്‍ക്കു ശേഷം രോഗബാധയില്‍ നിന്നും സുഖം പ്രാപിച്ച സാവി കളിക്കളത്തിലേക്ക് മടങ്ങുകയായിരുന്നു..കൊവിഡ് നിരീക്ഷണ കാലാവധി പൂര്‍ത്തിയാക്കുന്നതിന് മുമ്പ് ഔദ്യോഗിക ചുമതല ഏറ്റെടുത്തതിനാണ് നടപടി.
ന്യൂസ്‌റൂം വാർത്തകൾക്കുള്ള ഗ്രൂപ്പുകളിൽ ചേരാൻ +974 66200167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക.
