March 21, 2022
March 21, 2022
ദോഹ : മിഡിൽ ഈസ്റ്റിലെ പ്രഥമ ഫുട്‍ബോൾ ലോകകപ്പിന് ടിക്കറ്റുകൾ നേടിയ വ്യക്തികൾ, ഇന്ന് തന്നെ പണമടയ്ക്കണമെന്ന് അധികൃതർ ഓർമപ്പെടുത്തി. നറുക്കെടുപ്പിലൂടെ ടിക്കറ്റിന് അർഹരായവരെ ഇ-മെയിലിലൂടെ ഫിഫ ബന്ധപ്പെട്ടിട്ടുണ്ട്.
ടിക്കറ്റിന് അർഹരായവർ ഖത്തർ സമയം ഉച്ചയ്ക്ക് ഒരുമണിക്ക് മുൻപാണ് പണം അടക്കേണ്ടത്. ഓൺലൈൻ ആയി, വിസാ കാർഡ് ഉപയോഗിച്ചാണ് പണമടക്കേണ്ടത്. വിശദവിവരങ്ങൾ ഫിഫയുടെ ഔദ്യോഗിക വെബ്‌സൈറ്റായ https://www.fifa.com/tournaments/mens/worldcup/qatar2022/tickets ൽ ലഭ്യമാണ്. സമയത്ത് പണമടച്ചില്ലെങ്കിൽ നിലവിൽ ലഭിച്ച ടിക്കറ്റ് നഷ്ടപ്പെടുമെന്ന് ഫിഫ നേരത്തെ തന്നെ വ്യക്തമാക്കിയിട്ടുണ്ട്.
