September 14, 2021
September 14, 2021
ദോഹ : കാബൂൾ വിമാനത്താവളത്തിന്റെ പ്രവർത്തനത്തിൽ സഹകരിക്കുമെങ്കിലും, ഉത്തരവാദിത്തം ഏറ്റെടുക്കാൻ തങ്ങളില്ലെന്ന് ഖത്തർ വ്യക്തമാക്കി. "താലിബാനുമായി വിവിധകാര്യങ്ങളിൽ ഇനിയും തീരുമാനത്തിൽ എത്താനുണ്ട്. അതിനാൽ തന്നെ വിമാനത്താവളത്തിന്റെ പൂർണ ഉത്തരവാദം ഏറ്റെടുക്കാൻ തങ്ങൾക്ക് വയ്യ " വിഷയത്തിലെ നയം വ്യക്തമാക്കിക്കൊണ്ട് ഖത്തർ വിദേശകാര്യമന്ത്രി ഷെയ്ഖ് മുഹമ്മദ് ബിൻ അബ്ദുൾ റഹ്മാൻ അൽ താനി വാർത്താ കുറിപ്പിൽ അറിയിച്ചു.
അഫ്ഗാനിസ്ഥാനിലെ ഭരണചക്രം താലിബാൻ ഏറ്റെടുത്തതിന് പിന്നാലെ അമേരിക്കൻ സാങ്കേതികവിദഗ്ദർ രാജ്യം വിട്ടതിനാൽ കാബൂൾ വിമാനത്താവളം ഏറെനാൾ അടഞ്ഞു കിടന്നിരുന്നു. ഖത്തറിന്റെയും തുർക്കിയുടെയും പരിശ്രമത്തിന്റെ ഫലമായാണ് വിമാനത്താവളം വീണ്ടും പ്രവർത്തനസജ്ജമായത്.
