September 19, 2022
September 19, 2022
ന്യൂസ്‌റൂം ബ്യുറോ
ദോഹ : എലിസബത്ത് രാജ്ഞിയുടെ സംസ്കാരചടങ്ങുകളിൽ പങ്കെടുക്കാൻ ലണ്ടനിലെത്തിയ ഖത്തർ അമീർ ശൈഖ് തമീം ബിൻ ഹമദ് അൽതാനി മക്കൾക്കൊപ്പം ലണ്ടനിലെ നിരത്തിലൂടെ നടക്കുന്ന വീഡിയോ സമൂഹമാധ്യമങ്ങളിൽ വൈറലായി.നദീബ് ഖത്തർ എന്ന പേരിലുള്ള ട്വിറ്റർ ഹാൻഡിലാണ് വീഡിയോ ട്വീറ്റ് ചെയ്തത്.ഖത്തർ അമീറും മൂന്നു മക്കളും സാധാരണ വേഷത്തിൽ ലണ്ടനിലെ റോഡ് മുറിച്ചുകടന്ന് നടന്നുപോകുന്ന ദൃശ്യമാണ് വീഡിയോയിലുള്ളത്.
അമീറിന് ആയുരാരോഗ്യം നേർന്നുകൊണ്ടും അകമ്പടിക്കാരോ അംഗരക്ഷകരോ ഇല്ലാതെ സാധാരണക്കാരനായി നടന്നുപോകുന്ന അമീറിനെ പ്രകീർത്തിച്ചും നിരവധി പേരാണ് ട്വിറ്ററിൽ കമന്റുകളുമായി എത്തിയത്.
എലിസബത്ത് രാജ്ഞിയുടെ സംസ്കാരചടങ്ങുകളിൽ പങ്കെടുക്കാൻ ഭാര്യ ശൈഖ ശൈഖ ജവഹർ ബിൻത് ഹമദ് ബിൻ സുഹൈം അൽ താനിക്കും മക്കൾക്കുമൊപ്പം ലണ്ടനിലെത്തിയ ഖത്തർ അമീർ ഇന്ന് രാവിലെ ന്യുയോർക്കിലേക്ക് തിരിച്ചു.നാളെ നടക്കുന്ന ഐക്യരാഷ്ട്ര സഭാ പൊതുസമ്മേളനത്തിൽ അദ്ദേഹം സംസാരിക്കും.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/JSu55PzLuSjIOAiVOpZz2i എന്ന ലിങ്കിൽ ജോയിൻ ചെയ്യുക
